key ya alguacil so manaasikaso ed sarayan silew, tan
no onsmgger ya walaray apigeren to, ngisiwan day totoon maningal iran mankuan:
“!Wadia la! niman la!”
Wadman la ray musiko ed arap na intablado ya gagapoan da lan totonoen iray instrument© da, tan isasalsali da met lay manogtog na tongal daraiset. Diad beneg, ya saya may pasen ya asalita ton may sumusulat ed palapagan, wadman iran adasdasig so yorongan ya intadia ed saray kakastila, saray sankailin mamayaman, tan saray walay kanengnengan ed baley, ya sarayan angitadiaan mansasbi met la ra. Saray karaklan, totoo ran anggapoy kabaliksan tan pakayari, wadman met la ran kibulobol a napnapno lay plaza. Wala la rad tay nansakbat na banko ya aliwa met lan yurongan da no agta toonan da pian makanengneng iran maong. Kasapat da balet, maningal iran manpasnok so asaniban ed be neg, kanian napasout iran onepas a tamtampol, balet ta nagugonoyan ed satan, ontoon ira lamet a singa ang gapoy agawa.
Saray mansasbi tan onsisipot, say ingal tan eyag day totoo, say pandak day arum, tan nakdaan niran bibintarol a seselselan dan youpot, — sikarayay mantotulongan a manggagaway baleg a tanol. Diad sakey a pasen wala lad tay bangkon naekalay sali ya natibtibakiar iray mantugtoon, ed baleg a pandak day arum, totoon nanlapod arawrawin pasen a dinmagop ya onnengneng, tan natan sikaray nateteregan balet; wa la met iray mankokulkol a mantotolakan ed pansasamsaman day maong a pasen; tan dimad aragdawi daiset, nangel ya alarakarak iray kopa tan botilya ran naksit: si Andeng manaya ya nanawit na balbaleg a bandejan angiluganay nambabangil ya iinomen, balet ta asabat toy kaaroan to tan saya et labay ton sambotey okasion.....
Say wadman a mangipangulo ed saman a labi si Don Filipo ya teniente mayor ta si kapitan ag makaalis ta masiadoy alak na linawa tod monte.
Mitotungtong si D. Filipo ed kinen masiken Tasio.
“?Antoy nagawaan ko ey?” kuanto; si Alcalde agto awaten so dimision ko.” “Akin kulang kayoy sekder ya manungpal na nabebetangan yo?” kuantod siak.
“Antoy inebat yo ey?”
