impakapaabig da lamet ed kalimgasan to ya ag napankelawan so paiinengnengneng ed sikato ya nayayanep ed
liket so linawa. Sara balet so mata ton may pranciskano
ya onman lay kaaralem dan nayari lan nibagan akaamot
ira ed lukablukab da, aliwan kakaayapan so ibabaga
ra; diad saman a kanenengneng ya ambilbilunget, malinlinew a sankabasay sakey a liknaan a naandiay ilalo
tan mapalaloy ermen: onman pa lagi kanenengneng nen
Cain a maniapod kawalaan ton arawrawi ed samay Pa
raiso ya napnoy liket tan gaya onong ed tongtong ira
nen Ina to!
Nasusompal lay inmonan akto nen onsabi Ibarra; kasabf to singa nangel so sakey ya dalamurum, tan say mamataay amin a too sikato tan si kura. Sikato balet singa agto ya naimano, tan sinmingger ya inggalang toy Maria Clara tan saramay amimiga to, ya singa anggapoy agawa, tan inyurong tod abay nen kaarowan to. Si Sinang labat so sinmalita.
“?Anengneng mo may bolkan?” kuanton tinepet.
“Andi lanti ta akaukolan kon inibaan si Kapitan General.”
“!Agi, kawkawanay agmo impakanengneng! Ibami Kura ya tinotongtongan to kami bilay day napepelag ed inpiernos; akanengneng ka la tan? Tataktakoten to kami ta piano agkami makapanliket, akanengneng ka la?”
Diad saya, inmalagey si kura ya sinmingger ed kinen Don Filipo tan nengneng day mansusupiatan. Si kura mamaspasian mansasalita, si Don Filipo balet matantan a singa sinuksukat so kakaebat to ed bosis ya makalna.
“Liknaen kon tuloy so agko pakapagusto ed sikayo,” kuanto nia; “si Sr. Ibarra sakey ed saray sankabalgan so intolong to ed pista, tan walay pankatonungan ton manayam dia no ag mangagaway gulo ono agto dederaley kareenan.”
“?Aliwa sirin a panagderal na kareenan itay pamauliay makapakasalanan a nanengneng day maong iran kristiano? Kabaliksan toy mamaloub na lobo ed polok
