day karniro!(1) Ebatan mo ya ed arap na Dios tan arap
day manouley!”
“Lawas ko ran eebatay gawak ya nanlapod dilin linawak, Ama, “kuay ebat nen D. Filipo ya intewek toy samet so old to: “balet ta say magmagter a pakauley ko, agtoak naitday pankatonungan a mibibiang ed bengatlan nipaakar ed Religion. Saray ag malabay a milimog ed sikato, nayarian dan paliisan, ta si Sr. Ibarra agto met ipapasout so inkasikato ed anggan siopa.”
“Kabaliksan to balet so abuloyan so kaatapan ed utel day katoowan, tan say ag ompaliis ono maliket ed kaatapan, napaktak diman!”
“Anggapoy nanengneng kon kaatapan, Ama: si magalang ya Alcalde tan si Kapitan General a duaran manonaan ko, iba ran katongtong a sanngarem, tan selang a tuloy a palakbatan ko ran bangatan ”
“No agmo dia papawayen, sikami onalis.”
“Liknaen kon tultolov. balet ta agko nayariay mamapaway diay anggan siopa.”
Magbabawi kura ed imbaga to, agto la balet naoman. Sininyasan to may iba ton pari, ya saya inmalagey a mapalaloy irap na linawa to, tan iman la ran dua. Inmalig met iramay mapireg ed sikaran totoo, ya nilingis da balet na ansakisakit si Ibarra kasakbayay intaynan da.
Biglan singa binolusan so dalamurom tan esaesan. Pigarad saray wadman sinmingger iran angigalang ed Ibarra ya nankuan:
“Wala kamid sikayo; agyo ra labat aasikasoen ira man ay.“
“Siopa ra tan?” kuanen Ibarra ya nikelawan.
“.'Saraman ay so iman la, pian agda kayo napilimogan!”
“Pian agdaak napilimogan? Siak?”
“!On!” kuanda, “ta excomulgado kayo kono!”
Ag akasel si Ibarra ed gaway inkikelawan to; linmingaw ed biek tan biek tan anengneng toy Maria Clara
ya nansanib na lupa toy paypay.
_________
(1) Say “lobo” sakey ya monanakap a managpatey ed saray karniro ta sikaray labalabay ton kanen, kanian no alouban toy polok day karniron ipapastol, dekdakel so pateyen to.
