“Anto, nayari kasi?” kuanto nen akasalita; “singa itayo ni sirin manbibilay ed Edad Media'1’? No ontan sirin...........”
Inmasingger ed saramay mamarikit tan inkuanton nansalat na tonoy bosis to:
“Itepel yoak pala; alingoanan ko, wala manayay manaalagar ed siak; ompawil ak dia ta itolor ta kayo ed abong.”
“ !Ap-ka la onaalis!” kuanen Sinang ed sikato; “Onsayaw si Yeyeng ed ‘la Calandria;’ maong a onsayaw!”
“Wala lanti manaalagar ed siak; andibali ta ompawilak met.”
Lalon kiesaes iray totoo nen inmalagey ya imanla.
Kapaway nen Yeyeng ed entablado ya nankawes na Chula ya bansag na impanepet toy, “Nayari onloob?” tan inebatan nen Carvajal na “Tuloy kayo,” etc., nitan la ran sinmingger so duaran sondaloy Guardia Civil ed kinen Don Felipo ya kekerewen dan patondaey sarsuila.
“?Akin ey?” kuanto nian nikelawan.
“Nankabilan si alferez tan si asawa to, tan ag ira makaugip ed tanol dia,” kuay ebat da ran may sondalo.
“Ibaga yod alferez ta walay abuloy mid kinen Al calde mayor tan anggapoy pakayari na anggan siopan too diad baley a makasumlang ed sayan abuloy, anggano si dflin kapitan ya alenleneg a manonaan ko.”
“!Nakaukolan a patondaen yoy sarsuila!” kuandan siansian ipasout iramay sondalo.
Imbeneg ira nen Don Filipo, tan diad onia iman la ra may duaran guardia.
Ta piano anggapo lay gulo, agla inmesel si Don Filipo ya anggapo lay angibagaan toy agawa.
Kayari ton may sakey akton sarsuila ya apakpaknaan day totoo tan tinipakan dan maong, sinmublay a
pinmaway si Principe Villardo ya patatakbaen toran
amin a mibakal ed sikato ramay moron akarakep tan
angipangaw ed Arin ama to, ya papagiawen to ran tipasey kaoloan dan amin ed maminpinsan a waswas na
ayura to, ya diad biskeg tan dawal to et nibantak to
ran amin ya anggad bulan. Kapalpalaran da balet na
moro ta nen manpaparaan la ran mibakal a bansagan
_________
(1) Say panaon a linmabas nanlapod komaliman siglo ya anggad mameglepegley so komalabinlima, nanlapod inkianak nen Jesuscristo.
