Agnin siansia pinmawil ya aminpinsan so kareenan.
Walay sakey ya inisip ton aputer so lima to tan diad
gaway takot to papaiyawitay parin pankonpisalan to;
wala met so pakaskasin bosis ed silong da ran may bankon atumtumba, — sakey a musiko manayan atapilan;
samay entablado napnoy pumapaway tan totoo rad baley, a wadman iran nanlaladk a manbabansag a mansasalita. Wadmay Chananay ya akasolong na kawes nen
Leonor ed opera ya “Trovador” tan mitotongtong ed
kastilay tindaan ed kinen Ratia ya akakawes na maistro
ed eskuilaan; si Yeyeng ya akapanyolon na balbaleg a
sutla, misasalita ed kinen Principe Villardo; si Balbino
tan saramay moro gagaween day anggaay nayarian dan
panliligliwa ed saramay musiko ya asakitsakitan kalamor. Walara met so kakastila ya didiskursoan dan ami
naabet da.
Diad sakey a pasen balet walaray akamayamay a lalakin nankokompog. Kanengneng nen Don Filipo ed sikara atalusan toy gagala ra tan batik ya dinago to ran babaaten.
“!Agkayo manggugulo!” kuanton maningal;” ta nabuas paliwawaen ko ya; itdan da itayoy pankatonongan. Siak so akauley, isipan kod sikayo ya itdan itayoy pankatonongan!”
“!Labat la!; onia lay ginawa ra ed Calamba,(1) insipan da met la tan, et si Alcalde anggapo lan lamang so ginawa to! Akauley kami lan mangiter na totol. Itilad kuartel!’’
Anggapoy kabaliksay pansasalitad sikara nen teniente mayor, ag iran balot mangongpang. Lingawh’ngaw si Don Filipon singa manaanap na mangibad sikato tan anengneng toy Ibarra.
“Sinyor Ibarra, panangasi yo pa! Pokpokan yo pa ra legan kon onlan mananap na cuadrilleros!”
“?Anto bilang so nayarian ko ey?” kuanto nian anepet ya agto amtay gaween to, balet ta arawi lay teniente mayor.
Lingawlingaw met si Ibarra ya agto met anta no
siopa bilang so anapen to. Kapalpalaran ta apasikmatan toy Elias a wadman a manbanbantay ya amagama-
__________
(1) Diad taon ya 1879.
