gan anggapoy walawalad sikato. Binatik nen Ibarra,
binenbenan tod taklay tan inkuan tod salitay kastila:
“!Panangasi yo pa la! Tulong kayo no walay nagawaan yo, ta anggapoy amtak ya gaween!”
Mapatnag lan atalosan nen piloto ta inmotel ed samay pulok day lalaki. Sankarengel so ampetang a supiatan, balikas iran ag maabobon, balet ta diad nagogonoyan nankalkalna ran nansisian ya sakey tan sakey nanpabetel na olo to.
Maong met ingen, ta nitan la ray sondalon akaarmas ya akaparaan so duyok da.
Legan to nian agawa anto balet so gagaween nen kura ey?
Si pari Salvi agni dinmokol. Manalalagey ya akapapeg so muling to ed persianay dorongawan, tan akaarap iray mata to ed plasa, ya ag onggalagalaw tan manngesngesway araldalem a napnoy ermen. No komon ta aliwan onmanlay kuyep na silew ton may lamparaan to, nanengneng a mabalagabag iray lua ed mata to. Onia to kalamor a sakey oras.
Dimanto naimano so guld ed plasa. Tomtumboken to ray mata ed baleg a kelaw to so totoo ran manbaktik ed biek tan biek, tan napapatipatan toni nanlalaok a bosis tan ingal da. Nitanlay sakey ya igaganggan ton ngalngalin ag makalinawa ed inpanbatik to tan inbaga toy nagagawa.
Sakey a kaisipan so dinmalan a singa kirmat ed kanunotan to. No ontan a guld insan ambilunget. saray lalakin mauges a walna samboten day kataktakot tan inkaletey day bibii ya panggaway panagiabay da; amin a too ombabatik ya ompaliis ed kaatapan, sakey tan sakay agsi ntfnot ed inkasikaton dili, ag narengel so eyag, no arum naalimureng iray bibii, nataltalapos da ra, natumtomba ra, diad gaway takut da agda la amtay ga gaween da, anggan siopa lad tay napeketan da. insan pegley labi la nimet tan lalo lamet no walay kaai'oan da! Singa to sankanengneng si Crisostomo ya sankaawit tod saray taklay toy Maria Ciaran nakalay liknaan tan naandipat la ran singa inakmoy kabilungetan.....
Nilambalambang toy takayan ya ag nansombriro, ag nanbaston, tan batik, a singa ambagel, ya amaarap ed plasa.
