Wadman Iran asabi toy kakastila ya pamapasnokan
da ra may sondalo, tan ninengneng ton tampol iramay yurongan di Maria Clara tan saramay amimiga to,
et andi la rad man.
“Pari kura! Pari kura!" Ituandan maningal iramay kakastila ya manatawag ed sikato, et agtora inasikaso ta batik lamet ya amaarap ed abong nen Kapitan Tiago. Nen kasabi tod man ed petek insan akalinawa, ta apaaninagan tod maimpis a kortina so sakey ya anino, say pinabpablin anino nen Maria Clara, ya napnoy gracia tan ontan met ed anino nen Tia Isabel ya awit to ray tasa tan kopa.
“!Salamat la!” kuanton makalkalna, manges so laman to labat anganko ed inkesegawan to!”
Nagogonoyan ed saya, inkapot la ra nen Tia Isa bel so dorongawan tan asaniban la may aamamayoen ton aninon nagnap ed karakpan.
Inmarawi lad may kura ya aliling toy laram ta agto nanenengneng iray mapalet a totoo. Say walad arap day mata ton sankanengneng to say pagew tan lupa na sakey a marikit a naugip a manlinlinaway mapalpalna; saray lukablukab na mata to aparakep iray andurukey, mapalet tan magmagket Iran palatang a kulet iran singa palatang day Virgen ya inpipinta nen Rafael;(1) manimimis iray bibil ton masimsimpit, tan sankanengneng a singa onaaninag ed lupa to so kasimpitan, kaadiaan tan kalimgasay kamarerua to; saman a lupa, singa sakey a marakep tan matamoy a payawar ya aliktob na amusiak iran danganan tan ules ed dokolan to, ya aliling bilang na uloy sakey a kerubin a walad pegley na ampotipotin lurem.
Say kaisipan to ag tinmondan mantekiab tan aliwan saman labat so singa sankanengneng to..... balet ta, siopa kasi makapangisulat ono makapangibalikas na kanunotan iran onsesebang ed sakey a kaisipan ya aliling na apuy ed pandarlang?
Si sumusulat ed palapagan labat pa lagi, ta oniay
impangisampot toy impanungtong toy pista tan arum
niran inkagawa:
__________
(1) Si Rafael Sanzio de Urbino, sakey ed saray sankaabtgan a pintor nen panaon iran inmona, ya saray sankarakpan a kimey to tan akapangibawag na fama to saray inpipinta ton Virgen.
