Page:Agmoak-Didiwiten-Noli-Pangasinan-nen-Jose-RIzal-1963.pdf/382

‘‘Balbaleg ya utang tayon linawa tan manepeg a pisalamatan tayoy andi ebas, so atiempoan tan masiglat ya impibiang nen kagalgalang a pari Bernardo Salvi ya sinugba toy kaatapan tan inmutel ed ombaley ya anta onman lay petang na uld ra, tan diad pegley dan man ya agnapasungsungan, a singa akuliteptepan a totoo, ya andin sombriro tan baston to, pinakepa toy sanok day karaklan ya alenleneg ya inkanatoy pananalita ton maamoamoyot, tan say kabintaan tan pakauley ya ag lawas onkukulang ed manangipulong na Reli­ gion na Kareenan. Sayan masimpit a pari, diad panangibagat toy inkasikato ya andi gapoy mipara, intalirak ton ag kinawanan so samit na ugip a kanepegan na amin day singa sikaton malinak a konsiensia, nisesengeg ed pangantabay tod saray papastoran to ran kakamarerua pian komon anggapoy naano ya anggan sakey ed sikara. Anggapoy duaruak a saray mibabaley ed San Diego itatak dad kanunotan da yan masurin panangilagak na Pastor da, ya agdan balot lingoanan, tan amtaran birbiren yan utang a linawa ya anggad angga!’’

— 358 —