Diad inkakusoy kalakal nen Ibarra agto makaugip, tan. diad pilalek ton mangitaligaygay na kaisipan to tan mangipulisay na maerermen Iran kanunotan a mapalaloy iloor da no mabintal lay labi, ginapoan toy nankimey dimad kabukbukoray silir a panagbasaan to. Diman asabiay kabuasan a peles to nin mantitimpla tan manpapaluag na impanlalaok to ran danum tan tamtambal a pangilelebleban to ray binabalsig a kawayan tan arum nira, insan to ra ilulugan ed prasko rannimmumeroan tan pinupuletan ya pinaletay lacre.
Linmoob so sakey a igaganggan ya angipakabat a walay manaanap ed sikato ya taga uma.
“!Paloob mo dia” kuanton aglinmingaw.
Tinmobong si Elias tan nanalagar ya akaalagey tan andi esel.
“Ah! sikayo manaya?” kuanen Ibarra ed salitay tagalog nen abirbir to; “itepel yoak ed impanalagar yo, agko naimanoy inloob yo, ta walay gagaween kon experimento ya makabaliksan....... ”
“!Agtakayo labay ya talibagaen!” kuay ebat nen piloto; “nankaduay akasengeg na inakaran ko dia: say panepet ko no walay labay yon ibilin ed Batangas ta onlaak diman natan, tan wala met so ipasabik ed sikayon manges a balita.......... ”
Nilinggis nen Ibarra.
“Agmakayari anak nen Kapitan Tiago,” kuanen Elias ya intuloy ed bosis ton mareen, “balet ta aliwa met ya ambelat so liliknaen to.”
“ISikato la tay papagaan ko!” kuanen Ibarra ya makalkalna, “amtayo no antoy sakito?”
