karaya di doktor Don Tiburcio de Espadana, si asawa
to ya doktora Donya Victorina de los Reyes de Espadana,
tan sakey a balolakin kastila ya kakaliktanen ya impanlupa tan maliga met a kanengnengan.
Samay bii nanbatay sutla ya binobordaay manomanok tan say sobriro to pinarakep na sakey a loro ya apildak na daiset tan atabonan lawari laso ran inanagan tan ambalanga; say amalakipak a polbos ton giniling a belas<2) ya alaokay dabok a manalimpokapok ed dalan singara pinanoan so inkakunet lay baog to. Unong na impakanengneng tayod sikato ed Ibale dimad abong lan lamang nen Kapitan Tiago, sankatabin to met natan ed taklay si asawa ton piley.
“Napagalanganak a mangikabat ed sikayo ed kinen kapinsan mi ya Don Alfonso Linares de Espadana! ” kuanen Donya Victorina ya inturo to may balolaki, “anak ed biniag na sakey a kanayon nen pari Damaso, tan sikatoy secretario partikular na amin day ministro ed España......... ”
Si balolaki angilugay a napnoy grasia; si Kapitan Tiago balet nanpinsiw lawarid sikato ed impakangel ton atagtagey manayan inkatoo.
Legan da ray igagangan ya isesegep iray akamayamay ya awit da ran baul tan maleta, tan si Kapitan Tiago et itoturo to ran papayakar ed saray silir ya inparaan ed sikara, salitaen tayoy daiset irayan sanasawa ya akabat tila ra ed inmona ran tekap, balet ta anggaponi nangelan tayon petepeteg a nipaakai’ ed sikara.
Si Donya Victoria sakey a biin apataplo tan limay
taon to, anggaman unong na panangalkulo ton dili et
talomplo tan dua to labat. Nen ugaw ni maganggana,
tan maong a laman — unong met na ibabaga ton dili —
balet ta diad kakaayapan ton manaamamayo ed kalimgasan ton dili, balbalawen to ran ag italtalek so kinmakaraw ed sikaton pilipino, ta say kawalaay pilalek to
et say naasaway taga arum a bansa. Agto impagamor
ed anggan siopa so masimsimpit tan ampotin lima to
ya aliwan say anggapoy napiya to ta mainomay man ya
lokoen ya unong na natasiay aminpigan impangipia toy
alajas iran ankabli ed pigaran matalek iran managpakler ono managsuba ran pilipino may sankaili.
__________
(2) Sikatoyay marakel a ikakanan polbos nen saman.
