dalandan! Say ngaran to nian masegsegang, Tiburcio
Espadana, tan anggaman talomplo tan limay taon to la
tan nengneng lay masiken, ugaw ni balet nen si Donya
Victorina anta talomplo tan dua to labat nia. Say makasengeg ed saya mainomay a talusan balet ta maatap
so pangibaga.
Linma diad Pilipinas a sakey ed saray saginunor ya empliado ed Aduana, balet ta ontan lay belat na kapalaran to ta anta naelaw la lantin maong tan aputer ni sakey a sail to legay impansakay da, insan nakal lamet ed anapan to kayari duay simba, ya anta anggapo la nimet so keran anggan sakey sentimos to.
Diad inkaderia ton mansakay agto la labay so ompawil ed Espana anggad ag samay akatipon la ta pian agla manbarbaroy a balot, kanian ninunot toy mananap na pakalmoan to. Nisesengeg ed kinon day ibiba ton kakastila, agto makaloob ed ambelat ono abeban kimey; no sikaton bukor labat komon, anggan anton anapan napasarag to la ya malikeliket, dapot no walay napangalaan toy panbilay ton matonung tan maktek, balet ta say galang tan atagey a kipapasen day kakastila agtoya abuloyan, anggaman agto met napanbilay yan katagey na kipapasen tan galang.
Nen kagapo tutulongan dan bibilayen na arum iran kabansaan to, balet ta diad maptek a panagnunot to, tan agto inkapasal ed onian panagbilay, ngalngalin agto naakmon kalamor so kakanen to tan manebeng. Maniapod ag akataew ed aval, anggapoy kuarta to, tan anggapo met so manulong ed sikato ed pakalmo toy anapan to, saray kabaleyan to, ta pian agda met la lagi sakbaten, imbangat dan onlad luyag a mankinon doktor ta pian walay pakalmoan to. Agto la wari, ta anggaman tua ta nankimey ed Hospital de San Carlos dimad Espana, anggapo met so naaralan tod man a balot ed pananambal ta anganggad gawa to manpukpok na bangko tan manselsel na silew ya aganggano ni nimet so impankimey tod man. Et maniapod nakaukolan toy mangan, insan agda tondaan a kokungkongan iray kakaaro to, tinmulok lan lamang, linmad sakey a luyag tan diman ginapoan toy mantambal, ya abebebay panagsingil to, ta mapalalon kusokusoy kanunotan to. Balet ta diad aliling ton may tubonbalon makabat a sasalitaen nen Sama-
