niego,(1) mantagey lay singil to nen manbayag, kanian
inisip damet lay totoo ya maong a doktor, tan akapilak
komon, no ag labat akabatay Protomedicato(2> ed Ibale
so alablabas a panagsingil to tan say pakakokompetensia tod saray arum a managtambal.
Nidalem la wari et inlaban day kapara ton kakastila ya pati saray dilin manbabangat na Medicina. !Agay ka met la salo! kuandad kinen Dr. C, “paulian mo met la karin makalmo ta no makatipon na anem a libo ono piton liboy pisos, ompawil met lad dalin ton nianakan a manbilay lad man a mareen. Sakey ni, anto tay ansakit mo a, no lokoen to ray mureng a indio? No labay day paloko, ag ira akauley! Kasi met, singa kabaliksan toy sasamsamen moy isosobo ton panbilay. Say nunot mo ta kaparam a kastila! ”
Si Dr. C. ta maong a kastila ya malogor ed saray kabansaan to, agla inmesel tan nanbulagbulagan la; balet ta binmawag yan inkagawa ed baley a pantatambalan nen D. Tiburcio, nakal so pananisia ray totoo ed sikato, agda la tatawagen a manambal, tan asabi lamet ya apawil toy bilay to nen inmona ya ngalngalin mipayabol na panbilay to. Diad saman a panaon nangelan tod sakey a kaaro to, ya kaaro ya met nen Donya Vic torina, so walan kipapasen to nian bii, say pilalek to, say aro tod baley to, tan say maabagey a puso to. Singa atakiling nen Don Tiburcioy tawen tan kinerew ton impaikabat.
Oniay impakapannengneng nen Donya Victorina
tan si Don Tiburcio. !Tarde venientibus ossa,(3) kuanto
nia lagi komon no amta to labat so latin! Agla nayarin
ibaga ya si bii et sarag to met ni, ta nengneng toy agla
nayarin balot: samay buek ton makapakapal nen saman
nandoldol lan maong ya unong no kuay ugaw ton bii
et singsinga la uloy bawang so alimpogo ton nakdaan;
akumanet lay lupa to tan manyegyeg la ray ngipen to;
__________
(1) Akanggaway libro ya tungtong Basilio ed salitay kastila ya ikakana ed saray eskuilaan. Say tungtong a nipaakar ed sayay salita dian tubonbalo, ipaparungtal toy kanunotan a nanengneng ed sayan anlong nen Pope, bantog yan omaanlong a taga Inglaterra (England): Aliling na gawan mauges so ayep a makapakebiew Ya masarag lay pakamuria pian sikato la so busolen; Et diad kipapasal na mata no naynay la ya nanenengneng; Napasarag man la, nakasian, tan sikato lay sayakopen.
(2) Say Togiop day Doktores a managiksamen ed saray manaaral a mantambal. “Medical Board of Examiners” so ngaran to ed English.
(3)!Pukel so betang day onor a onsabi!
