Page:Agmoak-Didiwiten-Noli-Pangasinan-nen-Jose-RIzal-1963.pdf/393

ya panliketan to met so walay manpasnok ed sikato! — Balet ta nen apasoot a liwagliwag ed nambabangil Iran bansa ed pananap toy aliwa lan kayamanan no agta daiset labat lan pankanawnawa ton manbilay ed panayam to ni diad tapew na dalin; nen sinmabi ibeg to ed tongtongtong day kadalaan to ya nanlalapo ed biek na taew, et linmogan met ya inmarap diad Pilipinas, say imbales ton pikugip sakey a mapasang a mestiza, odino sakey a malimgas ya indian magmagket iray mata to, ya kawes to ray sutla tan abel iran magmaimpis a napnoy ankablin alaj as iran brilyanti tan balitok, ya isaklang tod sikatoy aro to tan saray luganan to, etc. Kasabi to diad Pilipinas inisip to warin ontua la ray kugip to ta saray mamarikit a manpapasiar ed Luneta tan Malecon ya inookopay pilak so panlugluganan da, nengnengnengen dan napnoy osisa. Nen nakal ed anapan to balet, kapilitan ya inlingoan to la lamet imav mestiza odino india, tan pinaskar toy inkasikaton dili ya mangiarap na kanunotan to ed sakey a balo. balet ta balo ya maong met ya itsura. Kanian diad impakanengneng toy asumpalay tinuaay kugip to, naermenan a maong, et maniapod toon amta ton tambayoey linawa ton dili, ninunot toy onia: “iKugip labat iraman, et agmet lanti nayarin manbilay ed kugip so wadiad tapew na dalin!” Tan diad impangekal ton impangipulisay irav duarua to, saliwsaliwen toy linawa toy onia: amalakipak a tuay polbos ton giniling a belas, anto kono ey? No nankasal lara kalkalnaan to lan paekal; akumanet so lupa to, say kawes to met balet et atanek na sursi ya abutawbutaw; tua ya akulaw a singa mamaong, ipasoot toy gusto to tan malakilaki, say eras balet et lalon malakilaki ni, agmo met nasumlang a singa met mamaong, insan sakey ni sikato anlemek a linawa ya sipor lan nanlapod inkianak to, tan siopay makapangibaga ey? say aro nayarin umanen toy walnay sakey a too; pikewet bilang so panangastila to, antoy wala ed satan ey? Sikaton dili aliwa met so panagsalita toy kastila, ta oniay inbagay manonaan to ya angekalan dad sikato ed anapan to; ibaga ra bilang ya akulaw a makapoy a bii, ya makapalpalek? Sikato met balet et piley, ngileb a doldolan ni nimet! Si Don Tiburcio lablabayen to lay sikatoy mangiwi nen say nasabi agew

— 369 —