aysing a pinya tan ginapoan toy nansulong na kawes
day bibiin taga Europa; inoman to met imay alimpogo
ton singa uloy bawang, ya asabisabin pinepeketan toy
muling toy buek a kinulet, ya nanmaliway nengneng
toy singa nanggepeng. Yarum ed sayay balon panangawes ton agton balot kalat, say asumpalan to ginuld to
laingey deedeey bilay day kalugaran da, ya sikatoy kukutengtengen tan panelelekay amin a too.
Nanlapod impankasal da si Don Tiburcio ag lan balot onaakseb a manaakar ta ag labay nen Donya Vic torina ya nanengneng day too so pankitlaey to, balet no ipasiar toy asawa to diman to yarap so luganan ed pasen iran anggapo la wari too ya ontan lay irap na linawa nen bii ed saya ta labay to met komon ya ipangtay asawa to ed pasiaran iran karaklay totoo, balet ta mantetepel ya ag oneesel ta kanankasal da ni lanti ya peles da nin man lu-luna de miel a kuan.
Agawa la wari inmonan siblangan da nen sasalien nen Don Tiburcion ibabano ed panagpolbos toy giniling a belas ya inbaga ton makapoy a gaween ta aliwan na tural; sinilut nen Donya Victorinay kirep to insan to ninengneng so ngipen ton postizo. Agla inmesel si asawan laid tan atalosan nen bii so pakapatulokan tod sikato.
Ag abayag ed impankasal da linmad uld ton malokon, tan inbabaga to lan imbawag ed amin day kakaaro ra.
“Diad sayay onsalat a bulan,” kuanto ed amin a napangibagaan to, “siak tan si De Espadaña onia kami la ed Peninsula; ta agko labay a yanak diay anak rniya tawagen da naani rebolusionario. ”
Pinanoan tov De so apellido nen masiken to; Say
pangiarum toy De agto met panggastosan balet ta ali
wan dagdaiset so pakapangitandoro to ya manmaliw a
singa apellido na atagey ya inkatoo. Say isusulat to no
manpipirma, Victorina de los Reyes de De Espadaña;
sayay “de De Espadana” sinmeksek ed ulo to ya anggapoy makaekal; ni samay nanggawa ray tarjeta to ni
si dilin asawa to.(1)
_________
(1) Naugaliyan ed Espana ya say pananawag ed sakey a biin walay asawa, bitlaen, labat so ngaran tan apellido labat na asawa to ya panoay de; alimbawa, “senora de Vicente Bengzon” odino “senora de Bengzon.”
