Sikato akaimis anggaman agto atalusan no anto tay espiritu ya mabiskeg, tan di ad saman a labi, nen kakaugip la, tinepet tod kmen asawa to.
“Say e . . . . espiritu ya sankabiskegan ya amtak say amoniaco: si kaarok anganko ipapara to ka labat ya ikakana toy retorica.”
Nanlapo lad saman a bekta, kapag nipalbot to, ibabaga ton lanang so:
“Bukbukor koy amoniaco ed sayan sankamakapaaboridoan a bansa, no ikanan pansalita so retorica, onong na kuanen Sr. N. de N. a kastila yan atagey ya inkatoo.”
Amin a ibaga to sikatoy nasusumpal; ontan lay impakapatakot tod kinen asawa to ya saya agto sinumlang a balot a nagmaliw ya aliling toy ason melag bilang a tumbotumbok ed sikato. No napakaro to agto papasiaren tan no napapetang ton tuay ulo ton pinasia sinkaten ton ekalen so ngipen ton postiso tan paulian ton ngileb a sanagew ono pigay agew.
Sinmeksek ed ul6 to ya gaween toy asawa to ya doktor ed Medicina tan Cirugia, tan oniay imbaga tod sikato.
“ !Anako! labay mo sirin ya erelen da ak?” kuanen laki ya ataktakot.
“Agka kari mapaga, paulian moak labat!” kuanton inmebat, “say isip mo sirin mantambal ka? Andi, balet ta say labay ko tawagen da kay doktor pian tawagen daak met na doktora!”
Tan kaimbuasan a tuloy amagaway karatula ed ki nen Rodoreda(1) ya impaitatak tod losan marmol ya andeket so onggendan: Dr. De ESPADANA, ESPECIALISTA ED AMIN A SAKIT.
Binilin iran amin so igaganggan da ya ontawag na
doktor tan doktora, ya nisesengeg ed saya pinanoan ton
pinapalet iramay buek a singa gepeng ya impepeket ed
muling to, pinakapal to ni panagpolbos to, inaaroman to
ra may punpuntas tan laslasoy kawekawes to, tan nanpapatuloy panagmurmura tod saray kabansaan ton bibii
ya abebay inkatooy kaasawaan dan ag ira makapipara ed
kinen asawa to. Inagewagew a mantuloy panangitagey
________
(1) Say panagkimeyan to nia wala nin anggad natan ed Calle Carriedo, Sta. Crux
