tod inkasikaton dili, ya no magnayon ya et agla panduaruaan a kalabas na sakey taon naisipan to lan akikanayon ed dilin Dios.
Saraya met balet a masurin kanunotan to agda nasaniban so yaakulaw ton inagewagew tan say ipapalaloy itsura ton makapalpalek, a kapag nanengneng nen Kapitan Tiago tan nanunotan to nia so impangaraw tod sikato nen saman ya agto ginabay, mamaiter a tamtampol na misa ya pisasalamat to ed Dios ed inkaliktas to. Ontan man, si Kapitan Tiago masiadoy panamagalang tod kinen Don Tiburcio lapod samay titulo ton “especialista ed amin a sakit” tan masimoon so katatalineng to ed saray matalag a salitan nibalikas tonia kalamor ta ataata lanti. Nisesengeg ed saya, tan mania pod sayan doktor et ag natawag na amin a too ya singa saray kapara ton mananambal, sikatoy pinili nen Ka pitan Tiago ya manambal ed anak to.
Nipaakar ed si balolakin Linares, onia ay so inkiwala tod bansa. Nen mantatadia ran onlad Espana, ninonot nen Donya Victorinay mangalay sakey a kastilan inanak ed Espana ya manasikaso ed saray bienes to, ta agtora labay ya ipia ed saray pilipino; diad onia anunotan nen asawatoy sakey a kaanakan ton laki ed Madrid a manaaral na abogacia tan ipapasen dan sankatudioan a kanunotan ed sikaran boleg. Nansulatan dan tinawag a binayaran da lan akaonay pasaje ton onarap dia, tan nen ag tinmoloy so lokon to, agda met la nabaat ta mansasakay la.
Sikaraya sirin iramay sinmabin talon katao.
Legan dan mantitimpey na eras da kasakbayay panangogto, sinmabi pari Salvi tan saramay sanasawa ta kabat da lan sipor, inkabat da met ed sikatoy Linares a pinalatopot da ngolay amin a titulo to, ya mapalaloy imbalangay lupa tonia.
Mapilit la ya say maranay a sinalita ra si Maria Clara ya manpapainawan naugip; atongtong met so impanbaroy da, tan dia la pinaspasan nen Donya Victori nay nanlabir a mapalaloy balaw tod ugali ray probinsiano, saray abong dan sinigpit, saray taytay a kawayan, ya agto met balet alingoanan ya insasalet a inbagad kinen kura so impikaaro tod kinen Segundo Cabo,
