“?De Espadana?” kuanen Donya Victorina kayari ran angan. “Nengnengen tayo lay Clarita? Insan inmarap ed Kapitan Tiago ya intuloy toy onia: “Nisesengeg ed sikayo labat, Don Santiago, nisesengeg ed sikayo labat! Saray atatagey ya inkatoo labat so tatambalen nen asawak tan no maminsan ingen et agto ni. Si asawak duma ed saray doktor dia Diman ed Ma drid sara labat so atagey a inkatooy tatambalen to.”
Linmoob ira ed silir na agmakayari. Ambilbilunget ta akakapot iran ami dorongawan pian ag makaloob so dagem, tan say mangiiter labat na linawa duaran kandilan lilin a sinelselan ed arap na talintao na Virgin ed Antipolo.
Wadmay Maria Clara ya mandokdokol ed katri ton kamagon(I> a kinokortinaan na jusi tan pina. Binerber so muling toy panyon imbasa ed agua de Colonia(2) tan abalkot ya asakbongan ya ami laman to ya anggad beklew na ules iran ampotipoti ya ankakabaleg. Say buek ton magmagket a kulet ya akaliber ed lupa to singa to papalaloey kolor ton amespesiaw a napapabilay labat na ankabaleg iran mata ton napnoy ermen. Wadman irad abay to ra may amiga ton duara tan si Andeng a sankabenbenan toy sakey a sipol na rosas na azucena.
Pinosoan nen De Espadana insan to ninengneng ed dila. Tinetepetan toy pigara, tan inkuanton manpeyeng:
“A. . . agmakayari, balet ta natambal!”
Si Donya Victorina imparias to ray mata ton nap noy kinon ed saray wadman.
“Mantomar na liquen ya inlaok ed gatas na kabuasan, jarabe de altea, tan duaran pildoras na cinoglosa’” kuay ganggan nen De Espadaña.
“Agka mapaga, Clarita,” kuanen Donya Victorina ya inmasingger; “linma ka mi dian manambal ed sika.
. .. . Ikabat taka ed kinen kapinsan mi!”
Si Linares singa agto amtay onlalabas ed panaamamayo to ran man a matan singa ra mansasalita ya si
nga walay aanapen dan andidman tan agto nangel so
panatawag nen Donya Victorina ed sikato.
________
(1) Kiew ya andeket.
(2) Balingit a makaekal met na sakit na ulo.
