Maerermen iran agew tan labi so pinalabas ed abay na pandokdokolan nen Maria Clara; saya abelnat nen kayari ton nankonpisar tan legan ton naniitaw pibitla toy ngaran nen ina to ya anta agto man apinengnengan a balot. Saray amimiga to, si ama to, tan si panginaen to binantayan dan agdan balot inalisan; akamayamay so impapaiter nen Kapitan Tiagon misa tan payabol ed amin day nangelan ton talintao ya managmilagro; insipan to met so mangiter na sakey a baston a balitok ed Virgin na Antipolo, tan asabin siansian, nankalkalnan inmabebay petang nen Maria Clara ya agla pinmawil a tinmagey.
Si doktor De Espadana baleg so pankelaw tod inkasikaton dili ed pakayari na jarabe de altea tan liquen ya agto met la ra ya sinalatan ya iniiter ton tambal a nanlapod gapo. Ontan lay liket nen Donya Victorina ed sayan impakatambal nen asawa to ed kinen Maria Cla ra, ya diad sakey ya agew ya impakagatin to nia na dikolay kawes to, agto dinusan inekalay ngipen no agta imbaga. to labat so onia:
"No agka labat anganko piley nagatinan mon pati korsik!” — Anta ag nimet mankokorsi!
Sakey a ngarem a say mangiiba ed Maria Clara et si Sinang tan si Victoria, mantutongtong irad pananganan di kura, Kapitan Tiago tan say boleg nen Donya Victorina legan dan manmimirindal.
"Liknaen kon tuloy” kuanen doktor, “mairap met angankon maong so linawa nen pari Damaso.”
“Iner imay kuanyon pangialisan dad sikara?" kuay tepet nen Linares ed kinen kura.
"Diad luyag na Tayabas!” kuanen kuran inmebat a singa anggapoy walawala.
