“Say manliknan maong si Maria Clara no nakabatan to,” kuanen Kapitan Tiago “ta inararo ton singa ama.”
Pinasekiapan nen pari Salvi mata.
“Say isip ko labat, Ama,” kuanton intuloy nen Ka pitan Tiago “ta say nansengegay amin a sakit nen Maria Clara saray irirap na linawa to ed saramay agawgawa nen agew na pista.”
“Sikato met so pakaisip ko, kanian maong so agyo impangiabuloy ed kinen Sr. Ibarra ya pisalitaan to, ta no andi alouran komon.”
“Tan no ag sikami labat,” kuay insalabat nen Don ya Victorina, “walala angankod tawen si Clarita natan a mangankantay dayew irad Dios.”
“Ontan pa komon!” kuanen Kapitan Tiago ta inisip ton kanepegan to yan yebat.
“Kapalpalaran yo lanti ta si asawak et anggapoy tatambalen ton mas atagey ya inkatoo, ta no andi, apasout kayo komon ya anawag na sananey a doktor, et anta yo met lan mureng iran ami wadia; si asawak....”
“Unong na ibabagak la,” kuanen pari Salvin sinmalabat, “say impan'konpisal nen Maria Clara sikato.v akapangilabay bilay to. Say malinis a konsiensia daeg toy anggan anton karakel na tambal, ya aliwan kabaliksan to niay paandien koy pakayari panagtambal, lalo lay panagopira! Balet ta anggapoy mipara ed malinis a konsiensia Manbasa kayo ray libron masantos tan ditan yo nanengneng so karakel na pinaabig na sakey a maong a konpision!”
"Itepel yoak pa balet,” kuanen Donya Victorina ya singa apasakitan; “satay ibabaga yon pakayari kon pision tambal yo pa sirin si asawa nen alferez na sakey a konpision!”
“Say sakey a sugat, sinyora, aliwan klasi sakit a napibiangay konsiensia!” kuay inebat nen pari Salvi ya mabinbinta, “ontan man, say panggawa toy sakey a ma ong a konpision makabaat lad sikato anganko na kapekpek to lamet a pinasia ya singa natay kabuasan.”
“!Kanepegan to!” kuanen Donya Victorinan intu loy, a singa agto nangel so imbaga nen pari Salvi. “Sa key a biin alablabas so agto pangitaltalek! Anggapo lay arum a gagaween tod simbaan no ag manneneng-
