neng ed siak. Panon ta, anggapo met lanti inkatoo to!
Sanen simba asabisabi lan tepeten ko wari no walay
nanenengneng ton uring ed lupak, ta agtoak alisay ma
tt, balet ta siopa tay malablabay a nabanligan a misalita ed abeban inkatoo?”
Intuloy met nen kuray pansasalita to ya singa agto met nangel so labir nen Donya Victorina.
"Sisia yoak, D. Santiago; ta piano onabig lan maminpinsan si anak yo, nakaukolan a mankomulgar nabuas; komulgaren ko la diad abong isisipen kon agto pala angangko nakaukolay mankonpisar, et ontan man no labay to, nayari met naani no labi.....”
“Agko amta,” kuanen Donya Victorinan tampol nen akasalet ta akatonday daiset si kura, “agko natalusan no akin et walaray lalakin mangasaway bibii ran singa sikato ya anggapoy duma tod tootoon panagabol na manok; ag makapanburi, arawrawi ni sankanengneng la no iner so nanlapoan to; mapatpatnag a manpatpatey ed ibeg to; panon ta, piga tay sueldoy alferez a?”
“Amta yo la D. Santiago, ibaga yod kapinsan yo ya ipasakbay tod agmakayari ya mankomulgar nabuas na kabuasan; ompawil ak dia naani no labi pian napaandi ray kasalanan to ran melag......” `` Tan kanengneng tod Tia Isabel ya ompapaway ed silir akisalitaan tod tagalog:
“Iparaan yoy kaanakan yo ta mankonpisar naani no labi, ta pian nakomulgar ko nabuas, et magano lan onkasil.”
“Kien balet, Ama,” kuanen Linares ya apakpel toy sinmungpa, anggaman nasisikig; “ompano isipen to la ingen ya ambelat so sakit to.”
“!Agkayo labat mapaga,” kuanton inmebat ya agto nilingaw, “ta amtak so gagaween ko; akamayamay lay inasistian kon agmakayari. Sakey ni, walad sikato no labay toy mankomulgar odino andi, tan nengneng yo no ag maabobon ed amin.”
Say inmonaona lan inmabobon ed amin si Kapitan Tiago.
Pinmawil a linmoob si Tia Isabel ed silir nen ag makayari. Saya, mandokdokol a mapalaloy pesiaw na lupa to, tan wadman irad abay toy amiga ton duara.
“Mangan ka ni sakey a pildoras,” kuanen Sinang
