a makalkalna ya initdan toy sakey a singa bukel a melag ya ampoti, ya inala tod melag a tubon salming; say
bilin to so no nalikas mon singa mangganonggong so
layag mo, itondam.”
“?Agla nansulat ed sikan pidua?” kuanen agmakayari ya makalkalna.
“Andila, anganko dakel so gawa to!”
“?Anggapo met lay papaibaga tod siak?”
“Say kuanto labat so gaween toy anggaay nayarian to ta pian ekalan nen Arzobispoy inka exkomulga to, et......”
Apultot so pansasalita ra nen sinmingger si Tia Isabel.
“Papaibaga nen Ama ta manparaan ka konon mankonpisar, anako,” kuanto nia; “taynan yo sirin ta pian makapannunot na kasalanan to.”
“Anto, anggapo ni sakey simbad samay inpankonpisar to!” kuanen Sinang ya agto apokpokan. “Anta anggapoy sakit ko et agak mankakasalanan a mabetbet!”
“?Agyo sirin antay kuanen kura, ya say maong a too et maminpiton mankasalanan ed sanagew? Antoy labay mon aleen ko, Ancora, e] Ramillete, odino Dalan a Maptek ya Onarap ed Tawen?”(1)
Ag inmesel si Maria Clara.
“Andibali ta agka nakesawan,” kuanen panginaen a pamapaliket to; “basaan taka la ta pian anganggad gaween mo et mannunot na kasalanan mo.”
“!lsulat mod sikato ya lingoanan to ak la!” kua nen Maria Ciaran inopit ed Sinang nen manpapatanir la ya.
“?Anto?”
Nitanla balet lamet si Tia Isabel kanian inmarawi lay Sinang ya agto atalusay imbaga nen amiga to.
Insingger nen panginaen so sakey a yorongan ed silew, inian toy salming tod toktok na eleng to, binoskag to may libron melag ya awito ya nankuan:
“Asikasom a maong, anako; igapok ed saray Gang
gay Dios; iyan koy matantantan ta pian makapanoma-
________
(1) Sarayan talo ngaran iray libron kawalaay dasadasal.
