meng ka; no walay agmo narengel a maong, ibagam ta
pian umanen ko; amtam la no nipapaakar ed kaabigan
mo agko amta tay nakesawan.”
Ginapoan to ran binasa ed tonoy bosis ya apasakey tan angesan so paliwawa nipapakar ed panagkasalanan. Kapag kayari sakey a ganggan, ontondan mabaybayag ta pian mankanawnaway kaanakan ton mannunot na kasalanan to tan mansibkel.
Akaarap irad tagey so mata nen Maria Clara, balet ta itsura toy singa anggapoy petepeteg a nanenengneng to. Kasumpal na inmonan ganggan ya “Aroen moy Dios ya labas nen ganagana,” iimanoen nen Tia Isabel ed toktok na salming to tan apakpaknaan toy nengneng ton singa mannonunot a maermen. Sinmigam a masansantos tan tinmondan abaybayag, insan to inbales so komaduan ganggan. Manbabasay akulaw a maraldalit tan kayari paliwawa, ninengneng to lamet si kaanakan to, ya saya, inmarap ed biek a matantantan.
“!Bah!” kuanen Tia Isabel ed inkasikaton dili, “no nipaakar ed panagsamba, anggapo pa angankoy kasala nan to! Ibales ko lay komatlo.” Binasa ton inapipiger so komatlon ganggan ya anggapon balot so nilagsanan ton paliwawa, insan to lamet nilingaw si kaanakan to; intagey toy salming to tan pinorapor to ray mata to ta anengneng toy Maria Clara ya intagey toy panyolito ton singa nanpunas na lua to.
“Hm”, kuantod nunot to, “ejem! naugip a legay sirmon!”
Impawil ton iniay salming to ya kuantod sikaton di li:
“Nengnengen pa no unong na inkulang tod komat lon ganggan et, ontan met ya agto ginalang iray ateng to!”
Tan imbales toy komapat a ganggan a lalon intan
tan tan impaanges ni tanol na bosis ton pangiter toy kabintaan ed gagaween to ya unong na nanenengneng ton
gawa ray papari. Si Tia Isabel agnin balot akangel na
Quaker0’ a nanpulong, ta no andi inmalig met komon a
nanpagiwgiw.
________
(1) Quaker — Pananawag yad saray kalamanan na sakey a secta na religion protestante.
