gan, tan angapo lay anggan sakey a kasalanan ton melag a maniapod komanem angga lad komaplo. Sumlang
ed sikamin aminpinsan! Agla natalusay kurang na
mundo natan!”
Tan anelsel na sakey a kandilan baleg ed arap na Virgin ed Antipolo, tan duaran ankekkekelag ya impansansakey toy Nuestra Senora del Rosario tan Nuestra Senora del Pilar, tan agto nilingoanan ya impaliis ya inian ed sukong so sakey ya Impasak a Katawan a garing a pangipatalus ton aliwan sikatoy anginunotan iramay sinelselan a kandila. Anggapo met so akinabangang ton may Virgin de Delaroche ta sakey yan talintaoy Virgen ya ag kabat nen Tia Isabel tan anggapo met nin balot so nangnangelan a milagro to.
Anggapoy makapikabat ed agawa ed impankonpisar nen agmakayari ed saman a labi, ta amin itayo gagalangen tayo man so inkamaamot na konpision. Abaybayag a nankonpisar, tan si panginaen a wadman ed sa key a sampot na silir a manbabantay ed si kaanakan to, naimano ton si kura agto insingger so layag to ed pandengel toy ibabagay agmakayari no agta akaarap ed saya, ya singa bilang labay ton nabasa ray kanunotan to nia ed makaayayap iran mata to odino labay to ran parlesan.
Nen ompaway si pari Salvi ed silir amespesiaw so lupa to tan agitem iray bibil to. Diad pakanengeng ed muling ton ambilbulinget tan nalpey na linget, nayarin ibagan sikatoy nankonpisar tan ag pinaandi pari ray kasalanan to.
"!Jesus, Maria tan Jose!” kuanen panginaen ya angurds ed pangipaliis toy sakey a mauges a kanuno tan; “siopay makatalus ed saray mamarikit a tubonbalo natan?”
