Page:Agmoak-Didiwiten-Noli-Pangasinan-nen-Jose-RIzal-1963.pdf/416

langay antoman a kaatapan, mapatpatnag ya anggapo lay onsarag ya arum ya onyari. Sakey a too ya singa siak, ya intalaga toy kalangueran to tan taon iran kabisbiskegan to diad tapew na dalin ya impankimey ed impangiparaan toy maong ya arapen a pankanawnawa tod bilay tan ontan da met na anak to; sakey a too ya matulok lawas ed ainin ya ingganggan day mamakauley to, ya sinumpal tod inaptek tan matonung a panagnunot so ambelat iran kimey ya impia ed sikato, tan intepel ton ami kairapan ed pilalek ton manbilay lawas ed kareenan; no sayan too, ya kabaliksay dala toy apabetel lay linmabas a panaon, et italirak ton amin so inpanbilay ton inmona tan amin ya arapen to nin sabien, ed kaalimbaway tambib lay lubok, andi arum a makasengeg no ag say impakabilibili to ya anggapoy matuan kareenan, tan aliwan sikato yay narapat a sankaabigan. Antoy kakanaay panbilay a manirap ed pasen iran ag kabkabat? Amtan a petepeteg so inpanbilay ko nen inmona ran panaon: walay duaran anakon balolaki, wala met so anakon marikit, magayagan abong ko, tan kayamanan ko met a malubay, tan papablien daak na kaparak iran totoo. Natan aiding koy sakey a kiew a naandiay amin a sanga, manbibilay ak a manaamotamot, ya aliling koy ayep ya aanopen ed takel, tan amtam no antoy akagapd ed saya? Andi arum ya akasengeg no ag sa­ key a laid ya dineral toy galang na anakon marikit, tan say intalek day agi to nian duara ya akiarapan ed lakin akaderal, ta sayan marumsis a laki niduman nibiig ya atagey so kipapasen to nen saray kapara ton totoo ta sakey a ministroy Dios. Ontan man, siak ya ateng, siak a naandiay galang ed katatkenan, pinirdonak yan ansakit ya inkagawa ta natalusan ko man so layap na liknaay kalangueran tan saray kakabusay laman; sa­ key ni, sakey a masegsegang ya agawan ag met la naoman tan andin balot pakaapiger odino pakasanib, anto ni arum a nagawaan ko no ag mantepel tan mangilaban kalamor na atilak nid siak? Si nankasalanan balet ta ag naekal so takut tan paga to ed isabi kababales day apaunong to, inanap toy kaderal day anakon lalaki. Amtan no antoy ginawa to? Andi? Nankonwarin walay agawan takew ed konbinto, tan diad saray apalsaan wadmay sakey ya anako. Samay sakey agda apikalamit ta nibanan andid baley. Amtam no panoy im-

— 392 —