panduksa ed saray nidalem? Amtam a petepeteg ta andi dumay panagpairap ed binaleybaley. Siak, anengneng kod dili ran matak so anako ya inbitin ed buek,
dengdenglen ko ray eyag to, sankarengel koy pantawag
tod siak, tan siak balet, siak a payoti tan apasal lawas
ed panagbilay a mareen, agko apan pusoan so amatey
odino impapatey! Ag apatua man a takew, anengneng ni
ingen ya impangekal na galang labat, tan adusa may
kura ya nialis ed sananey a baley, balet ta inatey si
anako nisesengeg ed impanpairap dad sikato. Samay
sakey ya alenleneg lan nakdaan ed siak, aliwan payoti ya
singa si ama to, kanian samay toon maruksa ya mapagan
tuloy ya ibales tod sikato so impatey na agi to, agto
tinondaan, tan sakey ya agew a nibanan alingoanan ton
naawit so cedula to,(1) inerel tan imperiso na Guardia
Civil, tan ontan lay impanpairap dad sikato, inpanlemlemew da, impamasakit day linawa to ya asabisabin
nambitkel! Tan siak, siak mabilayak ni anta onman lan
kabalgay nilabasan kon kababaingan! Balet ta no diatl
kipapasen kon ateng et agko apanmatalkan ya inagel
iray anako, wala ni pusok ya ombales, tan ombalesak!
Saray apasegsegang ontitipon irad siak, saray dilin kakabusol ko so mamaparakel na bilang da, tan no nasabi
agew ya isisipen kon nasarag ko la, diad satan ya agew
igolok ira ya biglaan a looban mi baley tan sebseban
kon peraen ed layap na apuy so kababales ko tan on
tan met na bilay kon dili! Tan onsabi tan ya agew, no
luan walay Dios!”(2)
Tan inmalagey si masiken a manggiwgiw tan mandarlang iray mata to, ya diad bosis ya araldalem intuloy ton inkuan a nilalagnot to ray buek to:
“Siak so walay kasalanan ta binaat ko ray anako
nen labay day ombales; siak so amatey ed sikara! No
pinaulian ko la komon ya inatey so nankasalanan, no
aliwa lan onman komoy pananisiak ed kaptekan a man-
________
(1) Diad saraman a panaon nakaukolan a saray lalaki awitawit dan lanang so cedula ra, ta nayarin anggan antoy eras tan anggan iner a pasen et tinggaen iray Guardia Civil a kerewen yan nengnengen, tan diad oras ya anggapoy nibutay dan nipanengneng nayarian da ran erelen ya ipiriso ya anggapo lay salaysayan. Sayan ganggan akasengeg na akamayamay ya agawan lames, ta no saray walad pakayari et wala bilang so toon kabusol da ya angapoy nipakasalanan dad sikaton petepeteg, dia lad cedula so pamalikdoan dad sikato no labay dan niseksek ed pangawan ono napairap.
(2) Agawa ya ed Tanauan, sakey a baley na Batangas odino diad Pa teros, barrio ed bandad Amianen na Laguna de Bay pasen a tatawagen natan na luyag na Rizal.
