lapod Dios tan saray totoo, wadia nira komoy anako,
manaamotamot ira lagi, balet ta ibak nira ya ag ira
komon inatey ed impanirap dan alay sulit! Agak mane
peg ya onkanan ama, kanian anggapo ra natan so ana
ko! Siak so walay kasalanan ta anta onialay tatken ko
et agko atalusan tan abilibilin petepeteg so kipapasen a
panbibilayan ko. Balet ta diad layap na apuy tan onagos
a dala tan ontan met ed dilin ipatey ko, ibalesan takayo!”
Tan saman a masegsegang ya ama, diad onman lan kabaleg na ermen to nilakanat ton inekal imay berber na uld to ya inmombang lamet ya alukasan so sugat tan inmagos so dala.
“Galangen koy kaermenan yo,” kuanen Elias,” tan natalusan ko met so pilalek yon makabales; Siak singa ak met sikayo, balet ta diad pagak a makapasakit ono makalanor na toon andi kasalanan, lablabayen ko lan ilingoan iray kasegsegangan ko.”
“Nayarian moy mangilingoan ta wala ka nid kalangueran, insan sakey anggapoy naandin anak mo tan agmet ni naapay sankaonoran ya ilalom. Agka mapaga ta ipasigurok ed sika ya agak mamaonung na andi ka salanan. Nanengneng mo yay sugat ko ay? Nalak ya nisesengeg labat ed agko impamatey ed sakey a cuadrillero ya manosungpal na nabebetangan to.”
“Nunot yo balet,” kuanen Elias, kalabas na aganon agto inesel; “nunot yoy makapataktakot a gulo tan pateyan a palabasen day masegsegang a kabalbaleyan! No ilulot yoy ibales yo ed pakayari yon dili, saray kakabusol yo ombales met ira ed makapakebiew a panagdusa, ya agda ya gaween ed sikayo ni diad saray totoon manbebenpey armas, no agta ipangget dad baley a sikato ya lawas so napapalsaan a napapaunong, tan diad satan.....alay karakel na nagawan lames, alay palet na napaunong ya andigapoy kasalanan!”
“ !Akauley so baley a manaral a mangiagel ed inkasikaton dili, akauley so sinansakey ya onliktas!”
“Amta yon peteg ya ag itan nayari! Sinyor, akabat takayo ed arum a panaon nen manbibilay kayon malikeliket; diad saraman ya agew binibilin yoak na ankabli ran bilin; abuloyan yoak ya ... . ?”
