Inpankurosan nen masiken iray taklay to ed pagew to ya nengneng toy ontalineng.
“Sinyor,” kuanen Elias a singa to ra susukaten so salita to; “apalaranak ya atulongan koy sakey a tubonbalon mayaman, mapangasi, magalang ya inkatoo, tan nianpilalek ed kaabigay baley ton nianakan! Kuanda ta sayan tubonbalo walaray kakaaro to ed Madrid; agko met ingen amtay katuaan to nia, balet ta nayarian kon ipasiguro ya kaaro nen Kapitan General. Antoy kuanyo no kerewen tayon sikato lay mangilaman ed sikatayo, ya sikato lay mangipasabid man ed tagey na saray tagleey na baley no bilang ta nagamoran tayon iliing ed sikatoy pililikna to ed irirap day masegsegang?”
Manpeyeng si masiken.
“?Kuanmo ta mayaman? Saray mayaman anganggad nonunoten day manparakel na kayamanan da. Nabubulag iray tagey na linawa tan pasirayew, tan man iapod maong so kipapasen da, lalo la no walaray kaka aro ran walarad pakayari, anggapod sikara so mansakit na ulo ya nipaakar ed kairapan day masegsegang. Amtak ta walaanak met nen saman!”
“Saya balet so toon sasalitaen kod sikayo duma ed saray arum; sikato sakey ya anak ya apasakitan a ma ong ed pakanunotan ed kinen ama toj sakey a tubonbalo ya maniapod araparapen to lay mankasal, nonunoten tov arapen, say maong tan maliga ya arapen day anak to?"
“No ontan sirin sakey a too ya araparapen toy manbilay a maliket; tan say kipapasen tayo, saray tagleey tan pilalek tayo ra anggapoy kikana ra ed saray totoon manbibilay a maliket.”
“ IWala balet so kikakana ra ed saray totoon maabagey a puso!”
“!Dali!” kuanen masiken ya inyurong to; “ipasen mo bilang ya onabuloy a mangipasabi na saray tagleey tan pilalek tayo ed kinen Kapitan General; yan mo ni ya makalmo ed Gorte na diputado ran mangiabagey, manulong, odino mangisangsang ed sikatayo, isipen mo kasin naitdan itayoy katonungan?”
“Isali tayo labat kasakbayay pangikana tayoy ayuran pamaagos na dala,” kuanen Elias ya inmebat. “Mankelaw kayo anganko, no akin et siak, ya anta sakey ak
