met ya apasegsegang a tubonbalo tan walaak nid kabiskegan, et siak so mangipilit ed sikayo, ya sakey kayon
matatken tan maletey, na pangidalan ed mareen ya ag
panbengatbengat; andi arum a makasengeg ed say a no
ag say impakaimaton ko lay ontan lan segsegang a nagagawa ya aliwa labat lan saray walad pakauley so pansesengegan no ag ta sikatayo met lan lamang: say napa
paunong a manbabayar a lanang say baley ya ag makagalaw.”
“No anggapoy nagawaan tayo ey?”
“Walanwala tan, manisia kayod siak; aliwan amin day manouley et sungpa rad katonungan. Insan no anggapo bilang so nagawaan tayo, no agto dengelen so pa ningel tayo, no bilang ta ginmibato lay puso to ed kairapan day kapara ton totoo, diad ontan ontulok ak la ed amin ya iganggan yo!”
Mapalaloy liket nen masiken a nilakap toy Elias “Siabobonak ed amin ya inbagam Elias; amtak ya anggapoy bebenegan mon salitam. Alagaren taka tan tulongan taka ed pangibales mod inkapaunong day atateng mo, unong na panulong mod siak ed pangibales ko met ed inkaduksa ray anako, saray anako ya kaolibay da ka wari ed biskeg tan kalangueran!”
“Sikato la tan, sirin, sinyor; baat yo ni ray kanunotan yo anggad pakapannengneng tayo lamet.”
“Akauley ka met la sirin a mangiparungtal na liliknaey baley ta kabat mo man a petepeteg. Kapigan balet so pakapikabat koy asumpalan mo ey?”
“Diad komapat ya agew mangibaki kayoy sakey a too ed gilig na dayat na San Diego ta sikatoy pakapikabatan yo na naawat ko met ya ebat ed asalitak lan too ya pangipepeketan koy ilalok .... No onabobon ed kanunotan tayo, amtak ta naitdan itayoy katonungan tan maganon narapat tayo ray pilalek tayo, et no andi, siak so ononaonan ompatey ed pilaban tayo.”
“Si Elias ag ompatey, si Elias so onsublay a panguno naandi lay Kapitan Pablo ya napda lad impakabales to,” kuanen masiken.
Tan sikaton dili angitolor ed kinen tubonbalo ya anggad paway ton may ungib.
