Say panamagalang day totoo na ngarem na Simba
diad Pilipinas, say kakaakar dad bulangan a singa ka
kaakar dad partida de toros(1) ed Espana. Say bulang na
manok ya nayarin ikuan a kalikliketan lay pilipinon
pantaligaygayan, awit da diay kakastila ono saray mejicano nen komalabinwalon siglo. Sanlasus taon lan panaanapay Uley ya pansisingilay buis tan entrada met ed
saray onnengneng, a sakey ed saray sankabalgan a bisio
ed sayan bansa ya dakel ni kaugsan a gagaween to nen
say apian ed saray intsik. Diad bulangan so lalaen day
duka a pangipalaranan day alenleneg a kuarta ra ed
pilalek dan makalmo na agda pansagpotan; diman met
so lalaen day mangayaman a pamalabasan day oras tan
pangikanaan day kuarta ya solok dan nangastosan ed
pista tan naniiteran na misa ya pisasalamat; balet ta
say kuartan ipoposta ra kien dan dili, say manok da
iniwin inapipiger tan inasikason maong a nayarin ibagan mas lawari inkaiwi tan inkaasikaso to nen say di
lin anak dan laki ya onsublay lan lamang ed sikara ed
bulangan, kanian anggapoy nibaga tayon balot a sungpa. Tan maniapod say Uley et aliwa labat lan aabuluyan to no agta singa irerekomenda to ni ingen ed impangipaakseb toy ganggan a say bulang et nayari labat
lan gaween ed plaza odino pasen iran karapitay too, ed
________
(1) Tatawagen met na “corrida del toros”. Sakeyan galaw a sankaliktan dan bantayan ed España. Say manarap balet toro (bakan kalakian) tan too ya tatawagey “torero” ono “toreador”. Say pasen a panarapan da ya tatawagey “arena”, maawang tan mapatar a singa bilang panaggalaway bola (bas ketball, baseball, etc.) ya wala met iray yurongan a nitaktakayan ed sakey a diking a singa met “grandstand,” balet ta samay pasen a panarapan da kinoral -a maong ta pian samay toro et agtora naakar a nabunoy onnenengneng. Samay “toreador” walay awit ton kapan ambalanga ya pamasebeg tod samay toro, turok iran balatyang ya ipanekpanek ton ilimlimot ed tenger ton may tono met, tan espada ya pamatey to noapakapuyan tola. No arum met balet, no nalingo may “toreador” sikatoy ompatey no nabuno ton may toro ed maingles a pasen.
