agew iray pista (ta piano nanengneng na karaklan pa
lagi et dakel so onalig?) manlapod kayari misa mayor
ya anggad mansilunget (waloy oras), onia itayo met
sirin ya ombantay a pananapan tayo met la ed saray
arum a kabkabat tira.
Say bulangay San Diego anggapoy duma tod sa ray bulangan ed arum a baley no ag dia labat lagi ed ankekelag a kabaliksan. Naapag ed taloran pasen: say onaan ono tatawagey entrada sakey a pasen a duamplon metro ed dukey tan labinapat metro ed benlag; diad sakey a diking to wadmay pinto ya naugaliyan a babantayay sakey a bii ya managsingil na bayar na onloob. Diad sayan nasingil a babayaray amin a toon onloob, walay betang na Uley ya sasabien toy pigan lasus liboy pisos a tinaon; kuanda ta sayan kuarta ya ibabayar na bisio ta piano mankanawnawan ag naerel, ikakanan pangipapaalagey na eskuilaan, panggagawa ray taytay, tan saray lansangan, tan pangaalaan met na iiter ono isasaliw no arum na iter iran upa odino premio, ta pian napabolaslas so panagtanem tan say komirsio !nagalang so bisio ya ontan lay niniiter ton kaabiganl — Diad sayan onaan a pasen met so kawalaanday managlakoy gagalen, tabako, kakanen, sirasira, asalian tan arum ni ran napanbilay; wadia met iran bumotibot so ugugaw ya akila rad ateng dan lalaki tan papangamaen da, ya igagapo da laran masaksakbay ya ipapasal a mibulang.
Sayan pasen ontalus ed sakey met a mamaawang ni ya panaayaman day totoo kasakbayay igapo ray soltada. Dia met so kawalaay karaklan day manok ya ibubulang, a sinisinger iray lubir ed sail tan inlalatok irad dalin na pasak a pukel odino pugnel na abiang. Wadman iray tajor, saray maliket a manmiron, saray maong a manangitaker na tari; diman so panpapaknaan day iposta, diman ira mannunot no antoy ma ong a gaween da, diman ira manoutangan, manayew, mansamsamba, manbitaktak; wala lad may mamupuyok a maararo na manok ton ibubulang ya anta manesiab lay bago tonia ed sileng; wala met lay mannenengneng tan manbibilang na siksik day sail manok; sakey tan sakey manotungtong na abig na impibulang da lan akaona na saray awit dad man a sankamaongan da ran manok; diman met so pakanengnengay lupa ran akakuliseng
