a sankabitbit dad sail so bankay day talonan a sinikdotan lay bago: samay manok a pinalabian ya iniwi ya
pigapigay bulan, pinopuyok tan inasikason labi-agew ya
angisaponan na masamsamit iran ilalo, natan sakey
labat a bangkay ya anganggaan toy nilakoy pisita tan
yadobon siraen ed saman a labi: sic transit gloria mundi! (1) Si ataloy manok ya imbulang to ompawil ed abong
a panaalagaran kalamor na mapagpagan asawa to tan
anak to ran agilaygilay so kawes da, ya naopot so kuarta to tan anggapo la may manok to. Diad saman a pikugip a pankanawnawa tan liket, diad saraman a pigay
bulan ya impangiwi ya maniapod ibutay na agew tan
anggad iselek to, diad amin iraman a sagsagpot tan
kimey, say pinmawil pisita labat ya aiding bilang na
dapol, kalabas na pinasian asewek. — Dia met so pansasangsangan da ran may aliwa nin unong ya marunong; ta saramay talagan makabat la, andi esel da,
masarag lay panbenben dad manok, bitbiten da, pinta
san da ya yonat da ray payak to, tan kapkapen da ray
olpo tan salisali to. Saray arum a wadman mapinepineng so panangawes da tan tomtumboken iran
liberliberey partido ran kuan, odino totoon malabay a
milan onposta ed saray awit dan manok; saray arum
balet maringdingot ira ya mapatpatnag ed mapmabeng
a lupa ray inggalet lay bisio ed laman da, tan saraya
tomtumboken day mata so amin a galaw da ran may
mamayaman tan aasikasoen dan maong so kurang day
postaan tan anggaman tuan abutbot lay bolsa ra, say
liket dad bulang agni napda; anggapoy nanengneng di
man a lupa ya aliwan maligsa; anggapod may pilipinon
nengneng toy mangiras, ono anggapoy walad sikato,
odino ag masmasel; anggapoy arum a naimatonan no ag
sayaksak, liket ed sugal, pilalek tan layap na liknaan;
ya nayarin ibagan say inkapgaan da et ag nasesebsa
ban no ag ingen ompapalalo ed pakakainom day danum
a marutak.
Ontumbok ed sayan pasen so tatawagen na Rueda.
Saya nitagey a singa bilang entabladon baleg a niliktob
na koral a kawayan. Diad bandad tagtagey niliber
na balitang iran nitaktakayan ya angga lawari ed atep,
tan dia ray yurongan dan panayaman na saray mirdn
tan mibubulang ta saksakey met ira lan lamang. Legay
________
(1) Ontan labat so galang diad tapew na dalin, magangganon onlabas.
