Legan day totoon maningal, yaawat daray lima ran kikilingkilingen day sankabenbenan dan kuarta; legan dan mansosokisok ed kabolsaan dan manaanap na anggad ultimon sakey kuarta,0) odino no anggapo la bilang, mimila ran mipoposta ya isisipan da lan ilakoy dueg da odino itatraspa da lay amen da, etc., walay duaran tubonbalo ya nengneng day sanagi ya milmilay mata ran makakaibeg ed saramay ompoposta, onasingger ira, wala- inmeremere ran singa ra nababaingan ya anggapo met so mangasikasod sikara, ya diad onia manpalaloy bilonget na lupa ra tan mannengnengan iran akasibangot a napnoy ingungot. limanoen ira nen Lucas ya ag balet palilikas, akaimis na sansananey, kinalatakat toy mamisos ed bolsa to ya dimnalan ed abay da ran may sanagi, insan inmarap dimad Rueda ya maningal:
“Limamploak ditad kanaway, limamplo manaloy duamplo!”
Nannengnengan iramay duaran sanagi.
"Ibabagak lad sika ya agmo ipostan ami awitan kuarta,' Kuan ton inmeremere may pangoloan; “no sinisia moak komon walay iposta ta natan ed satay ambalanga ay!”
Samay yogtan sinmingger a singa nasisikig ed kinen Lucas tan diniwitod taklay.
“Ah, wadia ka?” kuanto nian linmingaw tan konwarin nikelawan; “anto ey labay nen agim imay imbagak odino linma ka labat dian onposta?”
“Panoy ipostami ey et naopot lan atalon amiy kuar ta mi?'
“Akoen yo sirin?”
“!Agto nen agik! No napabayes yo kami daiset, ta kuanyo met a kabat yo kami........ ”
Ginogo nen Lucas so ulo to, ginoyor ton inleksab so aysing to insan to kuan:
“Kabat takayon peteg; amtak a Tarsilo tan Bruno
so ngaran yo, tubonbalo kayon mabiskeg. Amtak met
a mabayani ama yo tan inatey nisesengeg ed impanlewet day sondalo ed sikato na tongal lasus a lasot ya
inagewagew; tan ontan met ya amtak ya agyo nunot
ya ibalesan.......... ”
_______
(1) Kapalduay sentimos.
