“Agyo pibabaliay bilay mi,” kuanton may pangoloan a manngaray Tarsilo; “ta panlapuay kabuisitan. No anggapo labat so agi min bii abayag kami la angankon inbitay!”
“Inbitay? Say payoti labat so nabibitay', say anggapoy kuarta to tan anggapoy mangilaban ed sikato. Sakey ni asingsingger so palandey!”
“!Sanlasus manaloy duamplo, wadtan ak ed kanaway!” kuay sakey a toon linmabas ed abay da.
‘Pabayes yo kami labat na apat pisos. . . tald. . . . anggano dua,” kuanton mikakasin may yogtan; “ta no ipawil mi naani doble; dalila ta onggapo lay soltada.’
Ginogo lamet nen Lucas so ulo to.
“!Tst! Agko ya lanti kuarta ay, inter nen D. Crisdstomo ed siak ya iter ko met ed saray maliket a mansirbid sikato. Balet ta sankanengneng ko lan arawi kayod kinen ama yo; sikatoman a tooy mabayanin talaga; say payoti agto nepeg so manliket a mantaligaygay.”
Insan pinaliisan to ra, anggaman ag inmarawin maong.
"Akoen ta la, anto tay wala?” kuanen Bruno. "Ompatey itan ibitay, ompatey itan napaltog, kapara to lan lamang; sikato tan met labat lay anggaan tayon mairap."
“Tua, et nunot mo balet si agi tan bii.”
Sanlegan to nia winangwangan da lay totoo may pegley na Rueda ya panbulangan da ran may duaran manok ta onggapo lay soltada. Nankalkalnan tinmon day ingal, tan saraman labat so duaran mangibulos tan manangitaker na tari so atilak dimad pegley. Diad sakey a sinyas ton may sentenciador, samay manangi taker na tari inekal to ray kaloban da ran may tari tan kinmidiam iramay mapmaimpis a patarem a makapataktakut tan masilesileng.
Saramay sanagi sinmingger iran marmaermen tan ag oneseesel dimad koral ya impapeg day muling dad man ed kawayan. Sinmingger so sakey a laki tan inkuan ton inesaes ed layag da.
“!Aro! Sanlasus manaloy samplo, wala ak ed kanaway!”
Ninengneng nen Tarsilo may too ya singa nama-
