manga; sinikil balet nen Burno na pinaspasia tan akangekngek.
Saramay manangibulos sankabenbenan dan inapipiger ira may manok pian ag ira nasugat. Makenekeneng ya anggapon balot so esel, a nayarin isipen ya amin day wadman, likod labat iramay duaran mangibulos et makapataktakot iran tootoon lilin. Inpansinggeran da ra may duaran manok, insan da binenbenan ed ulo may sakey ya impatepek pian ompetang so ulo to, tan ontan met so ginawa rad samay katopa to. Diad amin a panarap na duaran panbakal, nakaukolan ya anggapoy maumli diad saray lalakin taga Francia may lalong iran ibubulang ed Pilipinas. Insan da ra impanarapan, ya impansinggeran ta piano sakey tan sakey et amta to no siopay amarot ed sikato tan no siopay kalaban to. Binmegas iray bago ed beklew da, nanteregan iran ag onggalagalaw a mandarlang ira may mata ran ankekelag a malilimpek. Sikato yay aalagden da ran may mangibu los: inggaton da rad man ed dalin ya impanarawiyay daiset insan da la ra tinaynan a pinaliisan.
Matantantan iran nanakar a nansinggeran. Diad gaway keneng sankarengel iray sali ran ondadapod man ed dadin ya inmawet. Andi esel day totoo, ya anggapo lawari onlilinawa. Saramay manok, itangwa, itewek, day ulo ra ya singa bilang diad pakanengneng da et susukaten day biskeg na sakey tan sakey, makalateket so beklew da ya tanday panlemlemew lagi, ono panamagiaw. Sakey tan sakey anengneng to la may manesiab a tari ya asulsulan so kidiam to; say kaatapan singa to ra pasesebegen, nandagoan iran masulong, ba let ta nen akapanasinggeran lara, tinmonda ra lamet, intewek day ulo ra ya ag ira nanalisay mata, tan binmegas so bago ran amin. Diad saman a bekta, sinmaboy dalad utek da, biglan linmuag so petang na ulo ra, tan maniapod masebeg ira lantin sipor, bigla met iran nansoplagan; nantotopaay tepek da, pagew da, tari ra, tan payak da; balet ta anggapoy asugatan, nakalan ira labat na pigaran bago ya napnaplag dimad dalin. Nansukatan ira lamet ed nengneng, insan biglan tinmekiab a nanpatagey si kanaway ya inkulipaspas to may makapatey a tari, inekep balet nen ambalanga ya inte wek toy ulo to, kanian ag nakna nen kanaway; kadapo to nia ed dalin, pian agda nasugatan ed beneg, pinmigar
