a tampol ya akiarapan; sinoplag nen ambalangan pinaspasia, et linmiktar a balibali impanapo to, ta talagan maong lanti, kanian sikatoy pili karaklan. Saray
totoo tomtumboken dan manggiwgiw iran napnoy paga so amin a galaw da ran may manok, a wala lad tay
agto napokpokay pakaeyag to no maminsan. Napno la
may dalin na kadadalan bago ran ambalanga tan ampoti; et say totontonen a reglay bulang aliwan itonda
no katerner na dala, ono wala lay sugatan, no ag say
unong ed impaakseb na Uley a ganggan, alagaren so
walay ompatey odino ombatik so sakey. Sugatan la ran
dua, asalog lay dalin na dala, manbetbet so suplagan,
balet ta agni nibaga no siopa kasf manalo. Samay kanaway ed satan pinaspasia ton inkolarlar a tinakbaan
si ambalanga, nipanek toy tari to ed payak to nia ya
nipanget ed pukel tan agto abagot; balet ta si kanaway
asugatan met ed pagew, tan wadman iran duan nanaidallaan, mankapoy, maningas a pinasia, ya nanpeketan iran ag onggalagalaw, anggad atombay kanaway,
ya manpaway so dalad tepek to, mankusay, mankeyer
iray sail to tan nanpanabos; si ambalanga ya nipuger
ed payak, wadmad abay ton manalalagey, balet ta
nankalkalna met ya apiklo ray sail to tan linmikdem a
matantantan.
Samay sentenciador ed satan unong na ganggan ya impaakseb na Uley, inbeliaw ton analo may amba langa. Kapangibeliaw to bansag so inggapoy makatalap-naw ya eyag ya ag amtay pandenglan, eyag a sankarengal ed entiron baley, eyag ya ag mangompang, tan ag apultot ya abayabayag. Say makangel, anggan arawi kawalaan to, amta ton tampol ya analoy dejado ta no say li'amado so manalo aliwa lan onmay dukey na eyag tan liket day katoowan. Onia man a peteneteg so nagagawa met ed saray kabansaan: no say melag a bansa et natalo to, ono natalonaan toy sakey a bansan baleg tan mabiskeg, mangibeliaw tan mangipangtan man a impanalo to ya agla napultot ya angga lad angga.
“!Amtam la lanti?” kuanen Brunon mauge-s so uld to ed samay agf to; “no sinisia moak komon walay sanlasus nisos ta natan; nisesengeg ed sika anggapoy anggan sakey kuarta ta.”
