balet anggapoy makatawag ed siak na ambagel!"
"Nayarin kabaten no antotan a katuaan?"
"Imbaga to ya say lion anak met na lion; dagdawit ya impaiyalis dad baley to."(1)
Tan kapangibalikás toy onia, inmarawi láman a nidumaruman tubonbalo.
Batikbatikan ya itanlay sakey a lakí ya maliwawan impanlupa, tan akakawes na barong tagalog a brilyanti ray botinis tod arap. Dinagó toy Ibarra, pinasamano to tan inkuanto:
"Sinyor Ibarra, masiadoy pilit kon mikabat ed sikayo: kaarok a maong si Kápitan Tiago, tan akabat ko met irá di amá yo..... siak si Kápitan Tinong, manaayam ak ed Tondo tan wadmay abong yo; mailalo ak ya pagalangan yo ak a dalawen; diman kila mangugtod sikami nabuas!"
Makaliliket si Ibarra ed onman lan abig na linawa; si Kápitan Tinong manimimis a panaaplosan toy duaran lima to.
"Salamat!" kuanen Ibarran inmebat a maararo: "onsipot ak balet nabuas ya onlad San Diego....."
"Antolaya! No ontan sirin diad ipawil yo!"
"Akaparaan lay kanen!" kuan ya impakabat na sa- key a managsirbi ed Cafe La Campana. (2) Saray totoo ginapoan day pinmaway, balet ta saramay bibii pinaspasout nira, lalo lad saramay pilipina.
(1) Diad imbetag na ribolusion ed España nen taon a 1868 si General Novaliches a kapartido non Reina Isabel, tinalo nen general ribolusionario ya Serrano, tan nen niletneg so gobierno ribolusionaria si Serrano nanmaliw a presidente na Gabinete tan si Lopez de Ayola so Ministro de Ultramar (Secretary of Foreign Affairs). Saya mararakep iray salsalita to tan sipasipan to ya nipaakar ed panpaparan andi panduruinaay totoo tan say kawayangan. Nise sengeg ed saya, tan say sankabalgan a ilalo ray pilipino ya sayan dakep na uley et onsabi met dia. pinasabi rad baleg a liket da tan pikakasakey dad balon gobierno ed España so sinmabi dian balon Kapitan General. Sikatoyay nansengegan daran may salitan: "Saray ának day lion, lion met irá"; ya pangipatmag day pilipinos na pililikna rad saray kakastilan republikano diad Pilipinas.
(2) Diad saraman a panaon, sakey ed saray sankaabigan a panangánán tan panagripriskoan ed Ibale, ya wala ed nansolakay lansangay Escolta tan S. Jacinto (Pinpin natan.)
