Ag inmesel si Tarsilo balet ta inpasekiap to ray mata to ed biek tan biek a singa walay aanapen to.
“Niman a misasalita ed kinen Pedro,” kuanen Bru no; “iitdan toy kuarta ya dakdakol!”
Mamibilang a tuay Lucas na kuartan pilak ed dakluap ton may asawa nen Sisa. Nansalita ray makalkalna ya agano insan lara nansian a nengneng day napnapday linawa ra.
“Sinipanan to angankoy Pedro; sikato tay kuankon toon masuiong tan masion a linawa!” kuanen Bruno ya bansag na inngeswa ton milmilay linawa to.
Say lupa nen Tarsilo ambilbilunget a nengneng toy mannonunot; impunas toy taklay na aysing to ed managagos a linget ed muling to.
“Kuya,” kuanen Bruno, “no agmo napakpel so linawan, siak a bukoi' so onia; manbubuenas iray ambalanga kanian anggapoy saplin manalo lamet so ambalangad ontombok a soltada; tan nakaukolan ya agtaya palabasen. Omposta ak ya omposta ed sayan soltada. Anto tay wala? Maong met pian nibalesan tay Ama.”
“!Alagar kal” kuanen Tarsilo ya tineregan tod ma ta — ampotipoti lupa ran dua —” milaak, sustoy kuanmo: ibalesan tay Ama.”
Tinmonda lamet balet a nanpunas lamet na linget to.
“?Akin et agka onggalaw ey?” kuanen Brunon maganat.
“?Amtam ta no antoy soltadan ontumbok? Wala kasi gonggonay...........?”
“?Akin, agmo sirin nangel? Say bulik nen Kpn. Basilio tan say lasak nen Kpn. Tiago; unong na kurang na sugal, say manalo lamet si lasak.” “Ah, si lasak! postaan ko met......balet ta maong a siansia no kabaten ni.”
Nanaingongotan lay Bruno, balet ta tinombok toy agi to, ya saya sininggeran to may manok ya ambalanga tan nmengneng ton maong a simnyalan, nannunot, nantepet, ta manduarua ni kalamor; si Bruno, onsasabi met la laingey talaw to, kanian sankanengneng toy ku ya ton ampetang lay uld to.
