“Akin agmo nanengneng itay balbaleg a siksik ditad abay na pangawit to ay? Agmo nanengneng ira cay sail to ay? Anto ni anapen mo ey? Imanom pa ra tay olpo to ay, iyonat mora tay payak to! Imanom met itay siksik ton apisag a tinmapew ed sayay sakey a malaplapar; agmo nanengneng ira tay nanlatopan ay?”
Ag narerengel nen Tarsiloy ibabaga nen agi to, tan agto tondaan a nenengnengen imay manok: sankarengel toy kalatakat na bibilangen a kuartan pilak tan balitok.
“Nengnengen ta natan si bulik,” kuantod bosis ya agla wari sinmengaw.
Inkansag nen Bruno ya manngayet ed petangf na ulo to, balet ta tinmolok. Sinmingger irad man ed biek a pulok. Diman tatarian da may manok, pipilien da ray sankatdeman, samay managtari sankabenbenan toy sutlan ambalanga, ginosgosan toy lilin insan to impunas ya aminpiga ed samay tari.
Si Tarsilo agto alisay mata may manok a kanenengneng toy ambetebetel tan ambilbilunget: singa agto namumuriay manok balet, no ag sananey so nanenengneng to ed arapen. Inaplos toy lima to insan,
“?Ayadyari lay kanunotan mo?” kuanton tinepet ed agi to ya pagaspagasan.
“Siak? Niman ni; agko lara nakaukolan a nengnengen!”
“Onaa ta . . . . kaskasian met kalamor imay agi tan bii......... ”
“ !Ba! Agda ta inbagad sika ya say pangulo et si D. Crisostomo? Agmo ta anengneng ya iba ton nanpasiar si Kapitan General? Antoy kapagaan ta ey?”
“No ompatey ita ey?”
“Antoy wala ey ? Inatey si Ama ed pekpek!”
“!Sustoy kuanmo!”
Iman la ran sanagi ya inanap day Lucas ed pulok day katoowan. Kanengneng dad sikato balet atakder si Tarsilo ya tinmonda.
"! AJeg la I Itala, ta aliway kasumpalan ta!” kuanto.
“Laka labat no labay mo, siak akoen ko!”
“!Bruno!”
