Ginawa balet na manges a kapalaran a sinminggir so sakey a lakin nankuan:
“?Mamosta kayo? Wala ak ed bulik.”
Ag ira inmesel iramay sanagi.
“!Logro!” kuanton may too.
"?Piga?” kuanen Bruno.
Ginapoan nen laki so nambilang na sanepat pisos a moneda, sankanengneng nen Bruno ya ag la wari onlilinawa.
“!Duanlasus so wadiad siak; say limamplo manaloy apataplo!
“!Andi!” kuanen Bninon masulong; “gawa yon. ..”
“!Dali! say limamplo manaloy talomplo!”
“Idobli yo no labay yo !”
“Lalon abig! manok met nen patron ko tay bulik ay, insan kakkapanalok; sanlasus manaloy anemaplo.”
“Sikato la tay paknaan! Alagar yoak ta aleen koy kuarta.”
“Siak balet so manbenbey kuarta,” kuanton may sakey ta agto napiyay itsura nen Bruno.
“!Kapara tod siak!” kuanto nia ta mailalod bis keg day poniti to. Insan inmarap ed agi ton nankuan:
“No natilak ka, onlaak la.”
Nannunot si Tarsilo: inaro toy agi to tan maliket met ed sugal. Ansakit to met a paulian a bukor kanian, “iDali, ita pala!” kuanto.
Sininggeran day Lucas; kanengneng to nian nitan lara, akaimis.
“!Mama!” kuanen Tarsilo.
“?Anto ey?”
“Pigay iter yo?” kuandan bansag ya anepet.
“Inbagak la: no akauley kayon mananap na arum niran ibayo ya onloob ed kuartel, itdan taka yoy talomploy pisos so sinansakey insan tongal polo ray naalmo yon ibayo. No maong so kasumpalan, kapag sakey ed saray iba yo mangawat na sanlasus pisos, sikayon dua balet doble, tongal duan lasus pisos so sakey: amta yo la, mayaman si D. Crisostomo.”
“!Dali! kuanen Bruno; “anda dia tay kuarta.”
