This page has been proofread.
“Kuanko lan sipor a kapara yoy ama yon mabayani! Gali dia pian agda itayo narengel iratay amatey ed sikato!” kuanen Lucas ya inturo to ra may guardia civil.
Tan inawit to ra ed sakey a sukong ya inkuanto legan ton bibilangen ed sikaray kuarta:
“Onsabi D. Crisostomo nabuas a manawit na armas; nabuas a sakey na labi no mana a las ocho, lakayo ed kamposanto ta diman ta kayo bilinen ed saray nakaukolan a gaween. Masulosulok ni oras a pananap yo ray iba yo.”
Nansisian lara. Saramay duaran sanagi singa ra nansalatan, si Tarsilo mareereen ya anggapoy pagpaga to, si Bruno balet amespesiaw.
