Legan nen Kapitan Tiagon ibubulang imay man ok ton lasak, mamapasiar si Donya Victoria ed baley ta linmad ulo ton nengnengen so kaabongan day mangingiras ya indio tan ontan met na saray kaumaan da. Pinaspasia toy angawes, nanbatay sutla ya nanpapalagaygay na lazo tan pinepeketay rosrosas, ta piano napagiaw to ray taga luyag a nipanengneng tod sikaray kaarawi kipapasen da ed masagradon laman to. Inpaabrasite ed kinen asawa ton piley, insan nanpaselkag a singa pabo ya nanakar ed saray lansangan ed baley, ed ontan lan inkamanga tan pankelaw day amin a totoon makanenengneng ed sikato. Si kapinsan dan Linares ag akila, tinmilak ed abong.
“!Agay lay uges na abong da ra niay indio!” kuanton inggapo ya inkobibit to; “agko natalusan no panoy panbibilay da ed onia ran ayaman, — nakaukolay indio pian naanosan to. Anggapo nimet so inkabangat da in san atagey so paltik dan singa ra mamaong. Nasabat da ita agda itagey so sombriro ra! Pekpek mo pa rad tan ed sombriro ra ay a singa gawa ray kura tan saray teniente ray Guardia Civil, ta pian nabangatan ira.”
“?No kinabil daak ey?” kuanen Dr. De Espadaña.
"?Aliwa ka sirin a laki?”
“!Ba.....balet ta piley ak!”
Manuges lay ulo nen Donya Victorina: saray lan sangan aliwa ran binato tan mansasagap na dabok so dikolay bata to. Sakey ni akamayamay iray nanaabeton mamarikit a no manpapalabasan ira et ontewek ira ya agda amamayoen a pankelawan ya unong na kanepegan da, so mabmablin kawes to. Saman lamet so kotsiro nen Sinang ya inlugan to ya tan si kapinsan to ed sakey a marakerakep tan mapmablin luganan a
