tatawagey tres-por-ciento,(1) timnalek a binandoan toy !tabi! ed onman lan belat na bosis to, ya agto la laingen naamamtaay intulok ton impaliis ya anganggaay nibaga to et: “!Nengneng moy inkabastos ton man a kotsiro ay! Ibagak ed kinen katawan to ya apigeren to ran bangatay aripen to!”
“!Italad abong!” insan to kuan ya ingganggan ed asawa to.
Saya ta papiigaan to lay panggulo nen asawa to, amuliktar lan tampol kalamor ya inmonor ed ganggan.
Asabat day alierez, nanbabanoan ira tan sakey ya lamet ya akapanoy ingungot nen Donya Victorina; ta si alferez aliwa labat lan agto indayew so kawes to no agta nengnengnengen ton makababalaw.
“Agka komon mipasamano ed sakey ya alferez labat,” kuantod kinen asawa to nen akaarawi la may sakey; “diniwit to labat so sombriro to, sika balet inekal mon intagey; agmo amtay ompasen ed atagey a kanepegan mo!”
"Sikato balet so makauley d. . . . dia!”
"Eh . . . ! antoy walad sikata ed satan ey ? Indio ita sirin?”
“Suston tua!” kuanton inmobobon ta agto la labay so mikolkol.
Linmabas irad abong nen alferez. Walad dorongawan si Donya Consolation tan unong na naugaliyan to, akaaysing na pranela tan manabtabakoy balbaleg a dinobla. Manlapod abeban abong akapanselengan ira tan anengneng nen Donya Victorinan petepeteg ya si Musa na Guardia Civil et amagamagan ninengneng ton pinatagey tan pinaleksab insan to inkobibit ya imparukey so bibil ton leksab, intopay ton inlukda insan to imbeneg. Sikato la may akapultot na anos nen Donya Victorina, tinaynan toy asawa ton anta anggapoy peketan to nia, tan amalambang ed arap nen Donya Consolation a manggiwgiw tan ag makasalita ed gaway petang na ulo to. Nilingaw nen Donya Consolacion a matantantan, tineregan to lamet ya amagamaga, in san intopay to lamet ed manlour ton panlemlemew.
“?Akin kayo, Donya?” insan to kuan.
(1) Luganan ya anggapoy tarong to.
