“Nayarian yon ibagad siak, iSinyora! no akin et
nengnengnengen yo ak na ontan? Makakaibeg kayo?”
kuanen Donya Victorina nen akasalita.
“?Siak, siak so makakaibeg ed sikayo?” kuanen Medusa ya matantantan a singa mansusutil; “on, sian tua! nanaibegan ko ra tay kisalawitwit a kulet ed muling yo ay!”
“iGalala dia.” kuanen doktor; “agmo a . . . . asikasoen!”
“!Paulian moak labat ta itdan koy panderiaan to yay agabangatan ya andibaing ay!” kuanen bii ya bansag na impangitolak tod asawaton dagdawit yan nipatingorngor ed dalin, insan to pinawil ya inarap si Donya Consolacion.
“Asikaso yo no siopay pisasalitaan yo!” kuanto. “Ompano inisip yon sakey ak a probinsiana odino biin iba ray sondalo! Diad abong ko ed Ibale ag ira makagagatin so alferez; anganggaan day manalagar ed pin to!”
“!Say tua, Sankatageyan a Sinyora Puput! Ag ira lagi onggagatin so alferez balet ta onloloob iray apileypiley a singa satan ay, !ja! !ja! '!ja!”
No ag labat mapalalo lay kolorete to anengneng angankon binmalangay lupa nen Donya Victorina. Dinalulos ton looban komon si kakolkol to, et sinabat na sondalon manbabantay ed pinto. Diad stiya napapano lay lansangan na totoon manmimiron.
“Susto pa la, ta nababanligan ak ya misasalita ed sikayo; sikamin walay inkatoo .... Mayapa, labay yoak a ipesakan, ta bayaran ta kayoy mabli! Say isip yo amo agko amtan pumepesak kayo nen saman!”
Inmalagey a biglay Donya Consolacion a mapalaloy petang na ulo to, ta apikan maong ed impakabitlay pesak.
“?Say isip yo met agmi amta no siopa kayo tan no antoy inkatoo ray awit yo dia? Andi lad tan, ta asalita la nen asawak. Kaabigan, saksakey so akabenben ed siak, sikayo ey? Nakaukolan so lakin ompapatey ed eras ta pian pasaragen toy kerakera, ya lupot na amin a too!”
Singa abetakan ed pegley na utek si Donya Vic-
