torina; inlislis toy taklay na aysing to, inelet to ray
poniti to, tan manngayet a nankuan:
“!Akseb kayo dia, bankulaw a kaong ta palpalen ko tay sangi yon maramsak! Kusiang na sakey a batallon, biin paakar a sipor lad inkianak to!”
Naandipat si Medusa ed dorongawan, tan manbaktik ya inmakseb a sankawaswas to may latiko nen asawa to.
Pinmegley si Don Tiburcio ya mikakasi et nansepakan ira komon a siansia no ag akasabi alferez.
"Sinyoras .... Don Tiburcio!”
“!Bangatan yo tay asawa yo, ipalitan yoy maong iran kawes, tan no anggapoy isaliw yo, takewan yoy baley ta dakel met so sondalo yon makaibad sikayo!” kuanen Donya Victorinan inbando.
“!Wadia ak la, Sinyora! Akit agyo sirin palpaley sungot ko ey? Aganggaan yoy labir tan ilol, Sankatageyan a Donya!”
“!Sinyora!” kuanen alferez a mapalaloy petang na ulo to; “pisalamatan yo ta nanunotan ko ni inkabii yo, ta no andi, sinimbosimbo takilad depak a pati saratay kuletkulet tan amalagaygay a laslaso yo ay!”
“!Si......sinyor alferez!”
“!Agkipa mibibiang, ta anganggad amtayo et mamatey na totoon makmaksil ya anggapoy sakit! A gkayo manpapantalon, Juan Lanas !”
Guion baleg so agawa. Maningal iran mangakaksion, pabaingan tan paugesan a manasibelbel, nipaway dan amin so bulok na sakey tan sakey, tan maniapod apatira ran bansag a mansasalita ya ag ira manpapalabasan, tan ag mankakapet so labir da, dakdakel so pinmaway a katuaan a yaamot komon ya makapaabeba ed arum iran kipapasey panagbilay, kanian agmi la dia ikurit so amin a salsalita ra. Saramay totoon ombabantay; anggaman agda natalusan ya ami narerengel da, nalijiketan ira balet ya onnenengneng, tan tatalaranan-da lay pansesepakan da. Anggapo ta sinmabi kura tan apatonda tora.
“!Sinyores, sinyoras! Makapabaing so gagaween
yo! Sinyor alferez!”
________
(1) Sikatoyay pananawag ed asawan lakin masiadon mapagusto tan antakut ed asawa to.
