“Anto tay pibibiangan yo dia, pakalalan Carliston?”(1)
“Don Tiburcio inaliis yo la tay asawa yo! Sinyora gimperan yo tay dila yo!”
“!Say pangibagaan yon tan satay managtakew ed saray mairap!"
Asabin siansiay inkaupotan day pangaran iran marurutak; naupot da met a siansian indalatdat so amin a bulok na sakey tan sakey a sanasawa, tan nankalkalna ran nanaarawiyan, anggaman anggapo ni tonday pabaingan tan pagiawan. Si pari Salvi agto amtay gaween ton onlad biek tan biek a mamapapoyapoy na kulkol a kuan, et aliwan dagdaiset met balet so ninitirum ton gulo; kawkawanan lan agto anengneng nimay sumusulat ed palapagan.......... !
“!Natan a tultuloy ompawil itad Ibale ya ompatnag ed Kapitan General!" kuanen Donya Victorina ed Don Tiburcio ya pinasiay petang na ulo to. Kawaen lay inkalakim! Kawkawanan lay panpapantalon mo!”
“Ba.....balet ta, saramay guardia ey? Piley ak nimet!”
“!Nakaukolan a manarap kayon manpaltogan odino manbakal, ta no andi .... ta no andi.......... ”
Insan to ninengneng na ansakisakit ed ngipen.
“!Anako, agko ni asali amenbenben na............ ”
Ag pinasumpal nen Donya Victorina: inasisirta ton
inekalay ngipen ton postizo tan ginatingatinan ton niyarekyarek dimad lansangan. Sinmabi rad abong ya
akisakisan si doktor tan singa manngangasngas na ngalab si asawa to. Asabian day Linares a mitotungtong
ed kindi Maria Clara, Sinang tan Victoria, tan mania
pod anggapoy amta to ed agawa, aliwan dagdaiset so
inkisegawan to nen kanengneng tod saramay kakapinsan to. Si Maria Clara ya akasaral ed silyon a tinatangilan tan sineseldet na dangdanganan tan uleules, nikelawan met a maong nen anengneng toy inkaumay lupa nen
doktor to.
________
(1) Nen taon iran 1833-1839, walay guenra civil ed Espana ta si Don Carlos ya agi Fernando VII, labay ton samsamey trono ed Reina Isabel. Sikato tan saray partido to ningaran iray “Carlistas;” sara balet so ag sinmiyan ed Reina Isabel atawag iray Isabelinos. Kanian say labay nen alferez sirin ya ibaga so si pari Salvi et gampid ed saray ontotonganga ed Gobiemoy España.
