“Insan,” kuanen Donya Victorina, “natan a tultuloy bakalen moy alferez ta no andi.......... ”
“?Akin ey?” kuanen Linares a nikelawan.
“Bakalen mo natan a tultuloy ta no andi ibagiik ed amin ira dia no siopa ka.”
“ !Donya Victorina!”
Nannenengnengan ira may taloran sanaamiga.
“!Akaramdamag kala tay nilemlemew itayo nen alferez ya imbaga to no siopa ka, tan inakseban toak nimay akulaw a mankukulam ya asawa tan sankaawit toy latiko, insan saya ay et inakmon ton amin... !........ llaki nimet!”
“Anto!” kuanen Sinang, “nankokulkol ira agtayo ra laingen anengneng!”
“IPinangpang nen alferez so amin a ngipen nen doktor!” kuan met nen Victoria.
“Ompawil kami lad Ibale natan a tultuloy; sika balet tilak ka dia ya mamakal ed sikato, ta no andi ibagak ed Don Santiago ya puros a tilay imbabagam ed sikato, ibagak a....”
“!Donya Victorina, donya Victorina!” kuanen Linares a sinmalabat a pinmesiaw so lupa to tan inmasingger ya inkuan to: “Pakepa yoy sanok yo; agyo inananunot ed siak ya....” — insan to intuloy a makalkalna: "Manlikas kayo kari .... lalo la nimet natan."
Sinmabid sayay Kapitan Tiagon nanlapod bulangan a marmaermen tan manngesngeswa ta ataloy manok ton lasak.
Ag pinalinawa nen Donya Victorina; diad antikey a salita a napno balet na panmurmura ed saray kabusol to, tinongtong toy inkagawa ya maniapod sikatoy manotungtong, inyan toy laman tod maong a pasen.
“Bakalen nen Linares, nangel yo? No andi agyo papaasawad sikatoy anak yo, agkayo onaabuloy! No payoti, ag onnepeg a mangasawad Clarita!”
“?Miasawa ka sirin ed sikato?” kuanen Sinang a sinmalmay so lua ed saramay mata to ran gendat a makakalek; “kabat ko lan sipor a mapasakbay ka balet ta agko inilaloan ya ontan lay inomay mon mangisalat.”
Pinmesiaw so lupa nen Maria Ciaran nanmaliw a singa lilin, nanpetek na daiset tan nilimgis ton pinmin-
