tad mata. toy takut ya impanbabales si Ama to, si Donya
Victorina tan si Linares. Saya binmalangay lupa to, si
Kapitan Tiago inmosdong, si Donya Victorina balet
inkuanton intuloy:
“Tantandaan mo Clarita; agkan balot mimiasawa ed lakin ag napanlakian; ta no andi pati saray aso pabpabaingan da ka!”
Ag inmebat si Maria Clara no agta inkuan tod saramay duaran amiga to:
“Itolor yoak ed silir ko ta agko makaakar a bukor.”
Inibaan da ra nian inmalagey, ya inlakap day lima ra ed balambang to; insaral toy uio tod takeb nen Vic toria ya onia ton linmoob ed silir.
Saman a labi nanbalkot lara may sanasawa, impasa ray kuenta ed Kapitan Tiago ya asapat toy pigan libo, insan kabkabuasan amikal la ran pinmawil ed Ibale ya intolor niray luganan nen tinondaan da. Si mabaing a Linares kalamor so angimatalkan dan miarapan ed kinen alferez ya ibalesan to ra.
