- Volveran las oscuras golondrinas(1)
- . . . (Becquer)
Unong na impasakbay nen Lucas, sinmabi Ibarra nen kaimbuasan. Say inmonaonan dinalaw to say boleg nen Kapiptan Tiago ta mapalalo lay posapos ton minengneng ed Marla Clara tan panungtong to met a si Arzobispo et inekal to lay inkaexcomulga to, ya sinayakop to lamet ed loob na Religion; wala met so awiton sulat nen dllin Arzobispo ed kinen kura, ta pian saya et tulongan tod antoman a pakakaukolan. Masiadoy liket nen Tla Isabel ta talagan malabl ed kinen Crisostomo tan agto napapaknaan so piasawa nen kaanakan to ed Linares. Si Kapitan Tiago nibanan andid abong.
"Tuloy kayo,” kuanen panginaen ed kastila ton pikewet; “Maria, si Don Crisostomo wala lamet ed grasiay Dios. Diniscomulga nen Arsobispo.”
Atakder balet si Ibarra ya ag akakurang nen kasaliwangwang tod pinto, abalang so imis to, tan alingoanan toy labay ton ibaga, ed impakanengneng tod Linares ed abay na balkon a manalalagey ed diking nen Marla Clara tan manbeberber na sisipulsipulen to ran rcsas tan bulong da ran may impakalab a tanaman. Dimad datal ed kaliberliber da wadman iran ataktakatak so rosrosas. Si Marla Clara akasaral ed panyoryorongan ton silyon, amespesiaw, sinonunot, marmaermen so kanenengneng to, tan sankabenbenan toy paypay a garing a daeg nid poti na kinmandila ran garnet to.
Diad kaloob nen Ibarra, pinmesiaw si Linares tan
binmalanga ray aping nen Marla Clara. Onalagey komon et agto ayarian ta makapkapoy, kanian inosdong
to la ray mata to ya naplag ton pati samay sankaegnaan ton paypay.
________
(1) Ompawil iray mauriem a mangalimpana ... (Becquer)
