Kasakbayay iselek na agew, onlulugan lay Ibarra ed baloto nen Elias dimad gilig na libsong. Singa nengneng toy maalipanes.
“Itepel yoak pa la, sinyor,” kuanen Elias a singa maerermen nen kanengneng tod sikato; ‘‘itepel yoak pa la ed inmatalek kon kinmerew ed sikayo na yakar yo dia; labay koy misalita ed sikayo ya anggapoy makaskasbel, tan ninunot ko ya ta anggapo diay makangel tan makanengneng ed sikatayo. Makapawil itayo met la ed loob na sakey oras.”
“Nalilingo kayo, Elias,” kuanen Ibarra ya inmimis, “nakaukolan ya itolor yoak ed satay baley a sankanengneng diay tori to. Say kabuisitan so manggaganggan.”
“?Kabuisitan?”
"On; akaramdamag kilay nabet koy alferez nen onaarap ak dia insan ipasout toy miolop ed siak? Lapod nonunoten ta kayo tan amtak a kabat to kayo, ta piano nipaliis ko imbagak ya onlaak ed satan a baley ay. Natan nakaukolan koy mansanagew nidtan nabuas, ta banaen toak konon nengnengen ditan nabuas na ngarem.”
“Pisalamatan ko, sinyor, so panangiansakit yod siak, balet ta pinaulian yo labat komon ya akilad sikayo,” kuanen Elias ya amagamaga?"
“?Panon? Sikayo ey?”
“Agtoak met lan lamang komon abirbir ta samay alenleneg a impakanengneng tod siak et agtoak met amuryan maong.”
"Manbubuisit ak,” kuanen Ibarran nginmeswa ya sankanunot toy Maria Clara. “?Anto may labay yon ibagad siak balet ey?”
Lingawlingaw si Elias. Arawi la ra ed gilig; sin-
