melek met lay agew, tan maniapod diad Pilipinas et
magangganoy mansilunget, ambilbilunget la ya malinlinew lan sankanengneng so bulan a solaw.
“Sinyor,” kuay ebat nen Elias ed bosis ton ambelabelat, "siak so mangipasabid sikayo na pilalek day akamayamay a masegsegang.”
“?Masegsegang? Antoy labay yon ibaga?”
Insalaysay nen Elias ed antikey a salita so tongtongan dan may pangulo ray tutulisan, likod labat la ra may duaruwa to nia tan pamapagiaw to. Tinalineng a maong nen Ibarra, tan abaybayag ya anggapoy inmesel ed sikaran dua nen kayari nen Elias a nansalita. Si Ibarray inmonan sinmalita:
"No ontan sirin labay day ....?”
“Pamasimbalon aminpinsan ed pakayari ray sondalo tan saray manonaan da; pangoman ed kipapasen tan pakauley da ray papari, ontan met ed panangikurang na okuman tan pananimbang na katonungan. Diad pigaran salita, kekerewen dad Uley so pangipasen tod si karan singa anak tan pangasikaso tod sikara ya singa dilin ama.”
“Pamasimbalo, ed anton kipaakaran ey?”
“Singa bilang say panamabli ed galang na too, say pansiguroay bilay tan kayariay sinansakey, pamawas na pakayari tan pakauley da ray sondalo tan saray ma nonaan da, pamaraiset na pankanawnawa ra, ta alablabas met lanti panangabuso ra ed kipapasen da.”
"Elias,’ kuanen Ibarra, "agko amta no siopa kayo, balet ta natebek ko ya aliwa kayon toon bengatia. Say panagnunot tan kagagawa yo duma ed saray karaklan. Kanian mailaloak a natalusan yoak no ibagak ed sikayo ya anggaman dakel so kakulangan na onkukurang ya uley dia natan tan say kipapasey antokaman a bengatia, lalon makapauges so biglan pansalat ono panguman ed saraya. Nayarian da itayon isangian iray kakaarok ed Madrid no pilaken ko ra, nayarian ko met so misalita ed kinen Kapitan General, balet ta anggapo lan lamang so nagawaan daraman, tan anggapo met so pakauley to nia ya mamasimbalo na onkukurang a Uley, tan siak a dildili agak onggalaw a mangilulot nian pamaakaran ta amtak a peteg ya anggaman tua ya masala so ki-
